Politike

Rama përpara Asamblesë/ E pyesin për Ahmetaj, Kryeministri shmanget: Jemi në një proces të hapjes të partisë

Rama është ndalur për një komunikim nga gazetarët, të cilët nisën ta pyesin për një reagim mbi intervistën e ish-zv.Kryeministrit Arben Ahmetaj. Rama iu shmang pyetjes duke thënë se "ky është një proces i rëndësishëm riorganizimit".

11 Shkurt 2024, 10:34 Nga h.k
Rama përpara Asamblesë/ E pyesin për Ahmetaj, Kryeministri
Foto ilustruese

TIRANË-Kryemistri Edi Rama dhe njëkohësisht Kryetari i Partisë Socialiste ka mbërritur në mbledhjen e Asamblesë Kombëtare të PS. Rama është ndalur për një komunikim nga gazetarët, të cilët nisën ta pyesin për një reagim mbi intervistën e ish-zv.Kryeministrit Arben Ahmetaj. Rama iu shmang pyetjes duke thënë se "ky është një proces i rëndësishëm riorganizimit".

Është një mbledhje pune, raportimesh dhe diskutimesh në lidhje me hapat e tjerë në funksion për të riorganizuar Partinë Socialiste."-tha fillimisht Rama. 

Gjatë momentit kur u pyet për ish-zëvendës Kryeministrin Arben Ahmetaj, Rama tha: 

"Partia Socialiste është në një proces jashtëzakonisht të rëndësishëm dhe jemi të vetëdijshëm për hapjen e Partisë për të gjithë ata që kanë dëshirë të kontribuojnë. Nuk kemi sot asnjë plan për të bërë ndryshime. Jemi sot këtu për të bërë një analizë”.

Rreth 400 anëtarët e Asamblesë, përfshi kryeministrin Rama, ministrat dhe deputetët do të jenë pjesë e takimit të sotëm me dyer të mbyllura të Asamblesë së PS. Në një njoftim gjatë ditës së djeshme, anëtarëve iu komunikua se pjesëmarrja në këtë mbledhje është e detyrueshme dhe mungesat do të konsiderohen të pajustifikuara.

edi rama partia socialiste asambleja kombetare

Sondazh

Poll