Politike

Raporti për Butrintin, Zhupa: Qeveria i kërkoi UNESCO-s të mos e publikonte, ishte kundër tyre

Ajo tha se në raportin sipas saj prej 90 faqesh, ngrihen shqetësime themelore sesi nuk duhet të jepet një fondacion dhe sesi nuk garanton fondacioni menaxhimin e integruar të Butrintit.

10 Shkurt 2024, 18:24 Nga r.ll
Raporti për Butrintin, Zhupa: Qeveria i kërkoi UNESCO-s të mos e
ina zhupa

TIRANË- Deputetja e Partisë Demokratike Ina Zhupa ka treguar sesi qeveria i kërkoi UNESCO-s të mos publikonte raportin për Butrintin.

Në një lidhje me Skype për Syri Tv, Zhupa theksoi se ky raport u tentua  të fshihej sepse ishte një raport kundër qeverisë. Ajo tha se në raportin sipas saj prej 90 faqesh, ngrihen shqetësime themelore sesi nuk duhet të jepet një fondacion dhe sesi nuk garanton fondacioni menaxhimin e integruar të Butrintit.

“Arsyeja pse u fsheh raporti është pikërisht ajo që ka dalë e që në ditët në vijim do të nxjerrë edhe fakte të tjera. Është fakti që është një raport kundër qeverisë, kundër fondacionit dhe në momentin që ne nuk e kishim këtë raport, prap ishim të bindur që ishte kundër qeverisë, kundër koncensionarit, sepse ndryshe ata do e kishin publikuar, do e kishin sjellë në Gjykatën Kushtetuese.

Raporti është në anglisht. Është 90 faqe raport i cili vërteton çdo fjalë që është thënë në interpelancë nga unë, në përballjet me ministren, në letrën drejtuar asokohe presidentit Meta. Konkret, të njëjtat shqetësime dhe jep të njëjtat rreziqe.

Atje ngrihen shqetësime themelore sesi nuk duhet të jepet një fondacion, sesi nuk garanton fondacioni menaxhimin e integruar të Butrintit, sesi nuk duhet ndarë Butrinti në zona siç e ndanë këta duke e dhënë me koncension vetëm zonën e biletave, sesi Butrinti është cënuar duke i hequr 600 hektarë me një vendimmarrje  që i ka hapur rrugë ndërtimit të resorteve nga pjesët që kanë qënë dikur të parkut të Butrintit”, tha deputetja.

ina zhupa

Sondazh

Poll

MË SHUMË