Aktualitet

Vodhi një shumë parash në një market, arrestohet 27-vjeçari në Elbasan, procedohen 2 të tjerë për vepra penale të ndryshme

Bëhet me dije se në pranga ka rënë 27-vjeccari me inicialet A. Z., pasi kishte vjedhur një shumë parash në një market lagjeje.

10 Shkurt 2024, 11:46 Nga E.d
Vodhi një shumë parash në një market, arrestohet
Policia

ELBASAN- Policia ka njoftuar se ditën e sotme ne Elbasan është arrestuar një person dhe janë proceduar penalisht 2 të tjerë, për vepra të ndryshme penale. Bëhet me dije se në pranga ka rënë 27-vjeçari me inicialet A. Z., pasi kishte vjedhur një shumë parash në një market lagjeje. Po ashtu mësohet se është proceduar penalisht dhe 21-vjecare me inicialet G. A., pasi ditën e djeshme dyshohet se në aksin rrugor Elbasan-Cërrik ka humbur kontrollin mbi dhe ka përplasur një 4-vjeçar, i cili është jashtë rrezikut për jetën.

Është proceduar penalisht edhe një 20-vjeçar me inicialet K. K., pasi në rrugën "28 nëntori" në Elbasan, ka prishur qetësinë publike, duke kryer manovra të rrezikshme dhe të zhurmshme, me automjet.

 

Njoftimi i Policisë:

DVP Elbasan/Arrestohet 1 shtetas dhe procedohen në gjendje të lirë 2 të tjerë, për vepra penale të ndryshme.

•Si rezultat i reagimit të shërbimeve të Komisariatit të Policisë Cërrik, menjëherë pas njoftimit se në një market në lagjen nr. 1, kishte vjedhur një shumë parash, u mundësuan identifikimi, kapja dhe arrestimi i autorit të dyshuar të këtij rasti, shtetasit A. Z., 27 vjeç, banues në Cërrik. Gjithashtu, 27-vjeçarit iu sekuestruan një pjesë e parave të vjedhura.

•Specialistët e Qarkullimit Rrugor referuan materialet në Prokurori, ku nisi procedimi në gjendje të lirë për shtetasen G. A., 21 vjeçe, banuese në fshatin Mjekës, pasi ditën e djeshme, në aksin rrugor Elbasan-Cërrik, dyshohet se për shkak se ka humbur kontrollin, automjeti që drejtonte ka dalë nga rruga dhe ka përplasur një 4-vjeçar, i cili është jashtë rrezikut për jetën.

•Specialistët për Hetimin e Krimeve të Komisariatit të Policisë Elbasan referuan materialet në Prokurori, ku nisi procedimi në gjendje të lirë për shtetasin K. K., 20 vjeç, banues në Elbasan, pasi në rrugën "28 nëntori", ka prishur qetësinë publike, duke kryer manovra të rrezikshme dhe të zhurmshme, me automjet.
Gjithashtu, shërbimet e Policisë Rrugore, për shkeljen e kryer, i kanë vendosur 20-vjeçarit, masën administrative 40 000 lekë.

•Pasditen e djeshme, në lagjen "5-Maji", është gjetur e mbështjellë dhe e groposur, një armë e vjetër zjarri (pistoletë). Në drejtimin e Prokurorisë, po kryhen ekspertiza dhe hetime, për të identifikuar poseduesin/t dhe për të zbardhur rrethanat e rastit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

policia e elbasanit

Sondazh

Poll

MË SHUMË