Aktualitet

Elbasan/ Sekuestrohen pasuri me vlerë rreth 450 mijë euro, zotëroheshin nga 2 personat të dënuar në Itali

Këto pasuri dyshohet se e kanë burimin nga veprimtaritë kriminale të 2 personave të dënuar në Itali, për trafikim dhe shfrytëzim për prostitucion. 

10 Shkurt 2024, 10:14 Nga M.B
Elbasan/ Sekuestrohen pasuri me vlerë rreth 450 mijë euro,
Foto ilustruese

ELBASAN- Policia ka njoftuar se janë sekuestruar në Elbasan pasuri të paluajtshme me vlerë rreth 450 000 euro. Këto pasuri dyshohet se e kanë burimin nga veprimtaritë kriminale të 2 personave të dënuar në Itali, për trafikim dhe shfrytëzim për prostitucion. Konktetisht janë sekuestruar: 

•1 apartament në pronësi të S. A., 49-vjeç, i ndodhur në lagjen “Dyli Haxhire”, Elbasan, pasi ky person është i dënuar në Itali, për veprën penale “Trafikimi dhe shfrytëzimi për prostitucion”;

•1 lokal në pronësi të E. G., 42-vjeç, i ndodhur në lagjen “Kongresi”, Elbasan, pasi ky person është i dënuar në Itali, me 8 vjet burgim, për veprën penale “Trafikimi dhe shfrytëzimi për prostitucion”.

Njoftimi:

Në zbatim të masave të përcaktuara në planin operacional kombëtar “Sundimi i ligjit”, vijon puna për gjurmimin dhe sekuestrimin e pasurive të krimit. Finalizohet operacioni policor i koduar “Real Estate 2”. Sekuestrohen pasuri të paluajtshme me vlerë rreth 450 000 euro, që dyshohet se e kanë burimin nga veprimtaritë kriminale të 2 shtetasve të dënuar në Itali, për trafikim dhe shfrytëzim për prostitucion. Në kuadër të megaoperacionit “Sundimi i ligjit” dhe si rezultat i hetimeve pasurore të kryera nga Seksioni për Hetimin e Krimeve Ekonomike i DVP Elbasan, në bashkëpunim me Prokurorinë e Elbasanit, me qëllim gjurmimin dhe sekuestrimin e pasurive që rrjedhin nga veprimtaritë kriminale, u zhvillua operacioni policor i koduar “Real Estate 2”, gjatë të cilit, në zbatim të vendimeve të Gjykatës së Elbasanit, u sekuestruan:

•1 apartament në pronësi të shtetasit S. A., 49 vjeç, i ndodhur në lagjen “Dyli Haxhire”, Elbasan, pasi ky shtetas është i dënuar në Itali, për veprën penale “Trafikimi dhe shfrytëzimi për prostitucion”;

•1 lokal në pronësi të shtetasit E. G., 42 vjeç, i ndodhur në lagjen “Kongresi”, Elbasan, pasi ky shtetas është i dënuar në Itali, me 8 vjet burgim, për veprën penale “Trafikimi dhe shfrytëzimi për prostitucion”.

Materialet procedurale i kaluan Prokurorisë, për veprime të mëtejshme.

sekuestrim pasurie elbasan

Sondazh

Poll

Aktualitet 10 Shkurt 2024, 07:27 Fatos Fico

A do të rrethohet Tirana si Parisi ?

Foto ilustruese TIRANA- Parisi është në rrethim nga fermerët francezë. Nëse ata arrijnë të mbyllin dhe tregun e shu...

MË SHUMË