Sport

Riformatimi i Seria A në horizont? Interi, Juventusi dhe Milani duan të reduktojnë numrin e skuadrave…

Tre klubet më të mëdha të futbollit italian janë takuar këtë të premte me presidentin e FIGC-së, Gabriele Gravina

10 Shkurt 2024, 09:00 Nga DOSJA

Riformatimi i Seria A në horizont? Interi, Juventusi dhe Milani duan

ITALI - Rivalët në fushë, Inter, Juventus dhe Milan ishin aleatë këtë të premte, kur u ulën në tryezë me Federatën Italiane të Futbollit (FIGC).

Sipas informacioneve të publikuara sot nga agjencia e lajmeve ‘ANSA.it’, përfaqësues të këtyre tre emblemave më të mëdha të futbollit italian janë takuar me Gabriele Gravina, presidentin e organit që mbikëqyr futbollin në atë vend, për të vënë në dukje faktin se janë në favor të uljes së numrit të skuadrave që luajnë në Serinë A.

Aktualisht janë 20 skuadra që marrin pjesë në kategorinë e parë, numër që sipas këtyre tre skuadrave duhet të ulet në 18.

Të pranishëm në këtë takim me liderin federativ italian ishin Giuseppe Marotta (drejtor ekzekutiv i Interit), Francesco Calvo (administrator i Juventusit), Maurizio Scanavino (drejtor ekzekutiv i Juventusit) dhe gjithashtu Paolo Scaroni (president i Milanit).

Ata, së bashku e prezantuan këtë iniciativë në prag të Asamblesë së Përgjithshme të Serisë A, të planifikuar për mëngjesin e kësaj të hëne në Milano, ndërkohë që më 11 mars është caktuar edhe Asambleja e Jashtëzakonshme e FIGC-së, me synimin për të përshkruar një riformulim në strukturën e futbollit italian. .

Edhe pse Inter, Juventus dhe Milan janë unanimë kur bëhet fjalë për uljen e numrit të skuadrave në kampionat, e vërteta është se, siç raporton sot 'ANSA.it', shumica e klubeve të tjera që luajnë në nivelin e parë nuk janë në favor të kësaj nisme.

Ditët e ardhshme do të jenë vendimtare për të ardhmen e futbollit italian.

B.T (Dosja.al)