Bota

Ndërtoi kullën Eiffel me 700,000 shkrepëse për 8 vite, i mohohet rekordi botëror

Organizata thotë se 706,900 shkrepset që përdori 47-vjeçari nuk ishin të disponueshme në treg dhe ishin ndryshuar përtej formës së tyre origjinale, që do të thotë se ata nuk mund ta merrnin përsipër përpjekjen e tij.

7 Shkurt 2024, 14:37 Nga S.B

Ndërtoi kullën Eiffel me 700,000 shkrepëse për 8 vite, i

Richard Plaud

FRANCË- Një francez i cili kaloi tetë vite duke ndërtuar një kopje të Kullës Eiffel me shkrepëse 7 metra të lartë, ka parë ëndrrën e tij t'i shkrumbohet para syve, sepse ai kishte përdorur një markë që nuk mund të blihet nga dyqanet. Richard Plaud zbuloi se ëndrrat e tij ishin ‘fikur’ kur Rekordet Botërore të Guinness dhanë verdiktin e tyre pa e vizituar fare punimin. Organizata thotë se 706,900 shkrepëset që përdori 47-vjeçari nuk ishin të disponueshme në treg dhe ishin ndryshuar përtej formës së tyre origjinale, që do të thotë se ata nuk mund ta merrnin përsipër përpjekjen e tij.

“Është zhgënjyese, zhgënjyese, e pakuptueshme dhe jo shumë e drejtë”, tha Plaud për The Times.

Ai shpresonte se Guinness-it do t’i vinte keq për të, por ai mbeti i shkatërruar kur ata e refuzuan. "Është pjesë e ëndrrës që u shua," i tha ai. Në një postim të furishëm në rrjetet sociale, ai shtoi: “Më tregoni se si 706,900 shkopinj të ngulur një nga një nuk janë shkrepëse. Kulla ime me shkrepëse qëndron ende në këmbë dhe do të jetë 7.19 metra për një kohë të gjatë."

punimi i Richard Plaud

Z. Plaud, i cili punon në sektorin e veprave të artit dhe urave të këshillit të departamentit Charent-Maritime në Francën jugperëndimore, më në fund përfundoi projektin e tij më 27 dhjetor, në 100 vjetorin e vdekjes së inxhinierit të kullës reale Eiffel. Ai krijoi 402 panele nga shkrepëset, të cilat më pas i ndërtoi në strukturën e madhe. Kulla e mahnitshme do të kishte zbehur rekordin aktual për skulpturën më të lartë me shkrepëse ndonjëherë, e cila mbahet nga mjeshtri libanez Toufic Daher, i cili krijoi një model të Kullës Eiffel 6,53 metra të gjatë në vitin 2009.

Z. Plaud, të cilit i pëlqente të bënte modele që kur ishte tetë vjeç, fillimisht kishte blerë shkrepëse në supermarkete për të ndërtuar strukturën. Por planet e tij të mundimshme për të fituar rekordin botëror të Guinnessit u rrëzuan kur ai vendosi se procesi ishte shumë 'i mundimshëm' dhe në vend të kësaj e bindi prodhuesin francez të shkrepseve Flam'Up që ta furnizonte me kuti të mëdha të mbushura me 190,000 shkrepëse pa kokë. Prodhuesi i modelit, i cili gjithashtu priste kokat e shkrepëseve përpara se ta furnizonte me shumicë, i tha se kokat duheshin gërvishtur që përpjekja e tij të ishte e vlefshme.

punimi i Richard Plaud

Ai vlerësoi se kishte shpenzuar 4200 orë nga koha e tij në projekt që kur filloi në dhjetor 2015. Duke folur për një stacion televiziv lokal përpara përpjekjes së tij për të thyer rekordin, bashkëshortja e zotit Plaud, Sandra foli për shpresën e saj se pas më shumë se 20 vitesh ëndërrimi, ai do të ishte më në fund i suksesshëm.

paris kulla eiffel rekord guinness