Bota

Protestat në Europë/ Fermerët spanjollë bllokojnë rrugët

Ashtu si në Francë, Belgjikë, Itali dhe Portugali, fermerët spanjollë ankohen për peshën në rritje të burokracisë evropiane, çmimet e ulëta të prodhimit dhe kostot në rritje.

6 Shkurt 2024, 11:36 Nga M.B

Protestat në Europë/ Fermerët spanjollë bllokojnë

Foto ilustruese

SPANJA- Fermerët spanjollë bllokuan trafikun në disa nga autostradat kryesore të vendit të martën, duke u bashkuar me fermerët në vende të tjera evropiane që protestojnë kundër kostove të larta, burokracisë dhe konkurrencës nga vendet jo anëtare të BE-së. Shumë shoqata kishin bërë thirrje për protesta nga e enjtja, por shumë fermerë dolën në rrugë me traktorët e tyre të martën, duke bllokuar trafikun në të gjithë vendin nga Sevilja dhe Granada në jug deri në Girona pranë kufirit francez.

"Me nuanca të ndryshme, në të gjithë Bashkimin Evropian, ne kemi të njëjtat probleme," i tha transmetuesit kombëtar TVE, Donaciano Dujo, nënkryetar i ASAJA, një nga shoqatat më të mëdha të fermerëve në Spanjë, raporton Reuters.

Ashtu si në Francë, Belgjikë, Itali dhe Portugali, fermerët spanjollë ankohen për peshën në rritje të burokracisë evropiane, çmimet e ulëta të prodhimit dhe kostot në rritje. Ata thonë se kërkesa e rregullave të vendosura ndaj fermerëve të BE-së për të mbrojtur mjedisin i bën ata më pak konkurrues se kolegët në rajone të tjera, si Amerika Latine ose Evropa jo-BE.

spanja protesta fermeret