Sport

Ish-lojtari i Celta-s akuzohet për abuzim seksual, pasi ka prekur gjoksin e maskotës së ekipit kundërshtar të Espanyolit...

Momenti me protagonist Hugo Mallo në vitin 2019, vazhdon të hetohet…

31 Janar 2024, 17:40 Nga DOSJA
Ish-lojtari i Celta-s akuzohet për abuzim seksual, pasi ka prekur gjoksin e

SPANJE - Gazeta ‘Marca’ raporton në Spanjë se Hugo Mallo, ish-kapiteni i Celta Vigos, akuzohet për abuzim seksual, pasi dyshohet se ka prekur gjoksin e maskotës së Espanyolit, para një ndeshjeje mes dy skuadrave, të luajtur më 24 prill 2019.

I njëjti burim ka pasur akses në ankesën e paraqitur pranë autoriteteve, ku mund të lexohet, se mbrojtësi spanjol, aktualisht me Internacional në Brazili, ka shfrytëzuar një moment konfuzioni për të kryer aktin në fjalë.

“Kur Hugo Mallo mbërriti te maskotat (para bilbilit të fillimit, kur lojtarët përshëndesin njëri-tjetrin), ai shtrëngoi duart me maskotën (nuskën e Espanyol-it) siç bëhet zakonisht. Më pas, ai vendosi duart mbi kostum dhe preku gjoksin e saj, duke i kapur me duar dhe duke bërë lëvizje”,- shkruan ‘Marca’.

Duhet theksuar se, edhe në vitin 2019, mbrojtja e lojtarit Hugo Mallo, bëri kërkesën për mbylljen e çështjes, e cila tashmë vazhdon të hetohet si abuzim seksual.

B.T (Dosja.al)

Sondazh

Poll

MË SHUMË