Sport

Peceta me kontratën e parë mes Messit dhe Barcelonës, del në ankand!...

Kur ishte vetëm 13 vjeç, në një restorant në qytetin katalanas, u nënshkrua dokumenti i parë që lidhte argjentinasi me klubin e jetës së tij.

31 Janar 2024, 09:30 Nga DOSJA

Peceta me kontratën e parë mes Messit dhe Barcelonës, del në

SPANJE - Më 14 dhjetor 2000, Lionel Messi, vetëm 13 vjeç, së bashku me menaxherin e tij në atë kohë, Horacio Gaggioli dhe Carles Rexach, lojtar historik, menaxher dhe sekretar teknik i Barcelonës në atë kohë, hëngrën drekë në një restorant në Montjuic, pronari i të cilit ishte Josep Minguella.

Rexach, i impresionuar nga talenti i fëmijës argjentinas, donte ta sillte atë në klub, por duke qenë se nuk kishte një copë letër në dispozicion, vendosi të shkruante në një pecetë se cila do të ishte kontrata e parë e argjentinasit me Blaugranët. Messi nënshkroi dhe pjesa tjetër është histori… 

Letra e çmuar mbeti përgjithmonë në posedim të Gaggioli-t dhe tani do të dalë në ankand. Sipas gazetës katalanase “La Vanguardia”, peceta do të dalë në ankand nga Bonhams, një shtëpi e specializuar ankandi, që pret që objekti të shitet nga 350.000 deri në 585.000 euro. Ankandi do të jetë i hapur nga data 18 deri më 27 mars. 

 Fjalët e kontratës në pecetë

“Në Barcelonë, më 14 dhjetor 2000 dhe në prani të zotërinjve Minguella dhe Horacio, Carles Rexach, sekretar teknik i FC Barcelona, ​​merr përsipër nën përgjegjësinë e tij dhe pavarësisht disa mendimeve për të kundërtën, të nënshkruajë me lojtarin Lionel Messi, për sa kohë të respektohen shumat e dakorduara”.

Pikërisht me këto kushte filloi lidhja e Messit me Barcelonën. U deshën ende disa javë për ta zyrtarizuar, për shkak të hezitimit të disa anëtarëve të klubit për të paguar trajtimin për problemet e rritjes që vuante “Pleshti”. Por klubi përfundimisht do ta bënte këtë dhe Messi do të kalonte 20 vitet e ardhshme duke bërë histori në Katalonjë. 

Peceta me kontratën e parë mes Messit dhe Barcelonës, del në

B.T (Dosja.al)

 

Sondazh

Poll

MË SHUMË