Politike

Komisioni i Reformës Zgjedhore, Meta: Të respektohet kërkesa e 47 deputetëve për të pasur bashkëkryetarin që i përfaqëson

Po ashtu ai solli në vëmendje letrën e 47 deputetëve të opozitës ndaj kryeparlamentares Lindita Nikolla gjatë ditës së djeshme ku kërkohet përfaqësimi i tyre në komisionin e Reformës Zgjedhore.

26 Janar 2024, 14:09 Nga I.A
Komisioni i Reformës Zgjedhore, Meta: Të respektohet kërkesa e 47
Ilir Meta

TIRANË- Kreu i Partisë së Lirisë, Ilir Meta ka komentuar bllokimin që deputetët e Opozitës i bënë komisionit për Reformën Zgjedhore që më pas u detyrua të vijojë me mbledhjen online. Në një deklaratë për mediat, Meta ngriti akuza ndaj qeverisë për bllokimin e punës. Po ashtu ai solli në vëmendje letrën e 47 deputetëve të opozitës ndaj kryeparlamentares Lindita Nikolla gjatë ditës së djeshme ku kërkohet përfaqësimi i tyre në komisionin e Reformës Zgjedhore.

“Është e qartë se punën për komisionin e reformës e bllokon Edi Rama dhe mazhoranca për arsye se rregullorja e Kuvendit e bën të qarrtë parimin e proporcionalitetit si i vetmi parim ku mbështetet përfaqësimi i opozitës. Janë 47 deputetë opozitarë që kanë dorëzuar një dokument kur kërkojnë në mënyrën më legjitime të kenë bashkëkryetarin, jo se ata duan kështu por për shkak të parimit të proporcionalitetit. Është detyrë e mazhorancës të respektojë këtë parim dhe të zhbllokohet puna e komisionit”, tha Meta.

ilir meta

Sondazh

Poll

MË SHUMË