Sport

Eden Hazard takohet me “viktimën” e tij, djalin që e kishte goditur 11 vite më parë për një top dhe që tani ai është milioner…

Charlie Morgan krijoi një markë vodke dhe që shpejt tashmë është bërë i pasur

25 Janar 2024, 20:00 Nga DOSJA

Eden Hazard takohet me “viktimën” e tij, djalin që e

ANGLI - Eden Hazard vendosi të varë këpucët e tij të futbollit në tetor të vitit të kaluar dhe që atëherë ai ka pasur më shumë kohë për të kaluar me miqtë e tij. 

Mes tyre është edhe Charlie Morgan, i cili u kryqëzua me ish-sulmuesin belg në një ndeshje të Chelseat 11 vjet më parë, por që tani është një nga të rinjtë më të pasur në Angli.

"Gjëja e mirë për fundin e karrierës suaj, është që të jeni në gjendje të arrini miqtë e vjetër. Ju keni bërë një rrugë të gjatë Charlie Morgan,"- shkroi Hazard në Instagram.

Charlie Morgan ishte një fëmijë, që kapte topat në një ndeshje të Chelseat me Swansean, në vitin 2013, dhe përfundoi duke u sulmuar nga lojtari belg. Ndodhi në ndeshjen e dytë gjysmëfinale të Kupës së Ligës, ku “blutë” kishin humbur takimin e parë, 2-0. 

Me lojën ende pa gola pas 78 minutash, dhe me Chelsean të dëshpëruar për të shënuar, topi përfundoi duke kaluar mbi vijën ku ndodhej Charlie, djali i një drejtori të Swansea, i cili në vend që t'ia jepte Hazardit, e vonoi rivënien e topit.

Nervat e lojtarëve të Chelseat u prishën dhe Hazard përfundoi, duke e shkelmuar në brinjë të riun, atëherë 17-vjeçar. Ai u përjashtua, pati një rrëmujë të madhe dhe Chelsea humbi ndeshjen.

Vitet kaluan dhe gjuajtësi i ri i topit u bë një biznesmen i suksesshëm. Tre vjet pas asaj loje, Charlie Morgan krijoi një markë ekskluzive vodka (AU Vodka) dhe 'The Times' vlerëson pasurinë e tij aktuale në 55 milionë paund (rreth 64 milionë euro)...

B.T (Dosja.al)

Sondazh

Poll

MË SHUMË