Sport

Sipas “Bild” Mbappe tashmë është një lojtar i Real Madridit!

Kampioni francez është i vendosur të largohet nga Parisi në qershor. Tek Madridi do të fitojë 70 milionë për 5 sezone

25 Janar 2024, 00:24 Nga DOSJA
Sipas “Bild” Mbappe tashmë është një lojtar i

FRANCE - Është transferimi më i përfolur i dy viteve të fundit, një martesë që tashmë duket se është vendosur vërtet. Kylian Mbappé do të luajë për Real Madridin nga sezoni i ardhshëm. Lajmi është bërë i ditur nga gazeta gjermane Bild, sipas së cilës fenomeni francez ka dalë nga ngërçi dhe ka vendosur të largohet nga PSG në fund të kontratës së tij, më 30 qershor 2024. Detajet e fundit për t'u zgjidhur kanë mbetur tashmë që gjithësesi nuk është gjë e vogël, pasi bëhet fjalë për pagën e tij e cila është padyshim e rëndësishme. 

Aventura në Paris është drejt fundit! 

Pasi mbërriti në Paris në vitin 2017, ku u rrit dhe shpërtheu sepse në fillim luante tek Monako, Mbappé rrezikon t'i japë fund aventurës së tij në PSG në vitin e shtatë që aktivizohet me një prej klubeve më të mëdha franceze. Me sa duket qëllimi i tij është thjeshtë një ndryshim situate, gjendje dhe atmosphere. 167 gola në 193 ndeshje e lejuan atë të fitonte pesë kampionate në Francë, dy Kupa të Ligës, tre Kupa Franceze dhe katër Superkupa, por ishin gjithmonë daljet e parakohshme nga Champions League që përfaqësonin një zhgënjim dhe burim kritikash të shpeshta. 

Një nënshkrim galaktik për Real Madrid!

Prandaj, kampioni i botës i 2018 do të ishte gati të ndryshonte peizazhin dhe të kalonte tek Madridin për pesë sezone. Kontrata, sipas Bild, do t'i lejojë atij të fitojë 70 milionë euro për 5 sezone. Por vetëm paga stratosferike duket se është detaji i fundit që po diskutohet: flitet për një bonus shumë të pasur nënshkrimi (mbi 100 milionë euro) plus të tjera që do të rrisnin më tej pagën e kampionit francez, gjithnjë e më shumë tashmë pranë Realit të Madridit. 

B.T (Dosja.al)

Sondazh

Poll

MË SHUMË