Sport

FC Barcelona shet 49% të aksioneve për 200.000.000 euro!

Pas nënshkrimit të dokumenteve, burimi i cituar njofton, se FC Barcelonës do t’i mbetet me vetëm 1% të aksioneve të “Barca Studios”.

17 Janar 2024, 17:21 Nga DOSJA

FC Barcelona shet 49% të aksioneve për 200.000.000 euro!

SPANJE - FC Barcelona kërkon të shesë 49% të aksioneve të “Barca Studios”, kompania që merret me prodhime audiovizuale të lidhura me ekipin katalanas, te një investitor i rëndësishëm. Për këtë biznes presidenti Joan Laporta fut në llogaritë e klubit në “Camp Nou” shumën prej 200.000.000 euro!

Duhet theksuar se nuk është hera e parë që presidenti i katalanasve realizon një transaksion të tillë. Në fakt, pas marrëveshjes së fundit të lidhur, FC Barcelona mbeti me vetëm 1% të aksioneve të “Barca Studios”.

FC Barcelona vazhdon të bëjë transferime jashtë dritares së merkatos, e cila i dedikohet ekskluzivisht futbollistëve. Në verën e vitit 2023, klubi katalanas shiti 25% të aksioneve të kompanisë “Barca Studios”, përgjegjëse për produksionet audiovizive që kanë në plan të parë skuadrën “Blaugrana”, në këmbim të shumës së bukur prej 100.000.000 eurosh. Disa ditë pas atij transaksioni, një tjetër pasoi dhe Joan Laporta ra dakord të hiqte dorë nga një aksion i ri te “Barca Studios”.

Dhe historia përsëritet në nisje të vitit 2024, sepse presidenti i katalanasve ka në tavolinë dy oferta të favorshme. Sipas publikimit të “Sport.es”, Laporta ka negociuar me dy investitorë potencialë, të cilët janë të gatshëm të marrin 49% të aksioneve të “Barca Studios”, për shumën prej 200.000.000 euro! Sipas burimit të përmendur, të dy investitorët i kanë bërë Joan Laportës të njëjtin propozim dhe presidenti i Barcelonës duhet të vendosë se cilën nga ofertat do të pranojë.

FC Barcelona shet 49% të aksioneve për 200.000.000 euro!

Pas nënshkrimit të dokumenteve, burimi i cituar njofton, se FC Barcelonës do t’i mbetet me vetëm 1% të aksioneve të “Barca Studios”. Transaksioni do të jetë i fundit që lidhet me kompaninë që merret me prodhime audiovizive në “Camp Nou”.

Një pjesë e shumës do të riinvestohet menjëherë

Gazetarët e “Sport.es” mësuan se kësti i parë prej 200.000.000 eurosh do të hyjë në llogaritë e klubit katalanas që në prill dhe Juan Laporta nuk e ka ndërmend ta mbajë atë. Bëhet fjalë për shumën prej 50.000.000 eurosh, e cila do të investohej në transferimet e lojtarëve këtë dimër.

Në dritaren aktuale të merkatos, i vetmi futbollist i ri që i bashkohet skuadrës së Xavi është braziliani Vitor Roque, vetëm 18 vjeç. Ai u largua nga Athletico Paranaense në Brazil për t'iu bashkuar katalanasve, në këmbim të shumës prej 40.000.000 euro.  Marrëveshja u zyrtarizua në verë, por Roque qëndroi me Athletico Paranaense deri në janar 2024.

Vitor Roque tashmë ka debutuar për Barcelonën, me fanelën e së cilës bëri dy paraqitje. Pjesa e tij në treg është 40.000.000 euro, sipas Transfermarkt.

B.T (Dosja.al)

Sondazh

Poll

MË SHUMË