Sport

Historike! Messi dhe Haaland, barazim në “The Best” të FIFA-s... Ja pse fitoi Leo...

Argjentinasi fitoi pasi ishte votuar i pari nga kapitenët në një numër më të madh rastesh

16 Janar 2024, 09:30 Nga DOSJA

Historike! Messi dhe Haaland, barazim në “The Best” të

ANGLI - FIFA 'The Best' 2023 la një imazh për t'u mbajtur mend. Kur askush nuk e priste, Leo Messi mundi Erling Haaland në çmimin që jepet për periudhën nga 19 dhjetori 2022 deri në fund të sezonit 2022-23. Pa llogaritur Kupën e Botës 2022 në Katar.

Të dy u barazuan në pikë (48), por argjentinasi doli fitues, pasi ishte votuar i pari në një numër më të madh rastesh: 107 me 64.

Pamjet e lëna nga produksioni televiziv ishin të jashtëzakonshme. As Haaland, as Messi, as Mbappé (tre finalistët) nuk ishin të pranishëm në Londër... dhe ndodhën disa momente pasigurie që prekën të gjithë të pranishmit: babain e Haaland, Guardiola... apo Henry, i cili po prezantonte ngjarjen. Më në fund, ishte ish-shoku i skuadrës së Leos, francezi Henry, ai që “fitoi” çmimin.

Po... pse fitoi Messi, nëse argjentinasi dhe norvegjezi u barazuan në pikë në votim? FIFA e shpjegon kështu:

“Me fituesin e Kupës së Botës 2022 dhe ndërkombëtarin norvegjez Haaland të barabartë me 48 pikë, diferenca ishte për shkak të numrit të nominimeve të zgjedhjes së parë që Leo Messi mori në votat e kapitenëve të ekipeve kombëtare, sipas Rregullave të Alokimit (neni 12). Sulmuesi francez Mbappé përfundoi i treti me 35 pikë”.

Siç mund ta shihni edhe në foto, Messi ishte më i votuari nga kapitenët dhe tifozët, por Haaland fitoi mes trajnerëve dhe gazetarëve. Në fund u vendos sepse Messi u votua i pari në shumicën e rasteve në votat e kapitenëve.

Historike! Messi dhe Haaland, barazim në “The Best” të

Kujtojmë se këtë çmim (si çdo edicion) e kanë votuar trajnerët dhe kapitenët e ekipeve kombëtare, si dhe gazetarë dhe tifozë ekspertë nga e gjithë bota.

Për Leon ky ishte një çmim i ri 'The Best'. Messi e ka fituar çmimin e lojtarit më të mirë të FIFA-s në 2019 dhe u njoh nga FIFA si lojtari kryesor në futbollin e meshkujve pesë herë më parë (2009, 2010, 2011, 2012 dhe 2015), duke e bërë këtë çmimin e tij të tetë individual në total.

B.T (Dosja.al)

Sondazh

Poll

MË SHUMË