Sport

Zonja Mane, 18-vjeçare, tregon se cila është e vërteta e martesës së saj me milionerin shumë më të madh se ajo në moshë!

Aisha Tamba, vajza 18-vjeçare, e cila së fundmi u bë zonja Mane, ka zbuluar të vërtetën e martesës me milionerin shumë më të madh në moshë.

15 Janar 2024, 17:58 Nga DOSJA

Zonja Mane, 18-vjeçare, tregon se cila është e vërteta e

SENEGAL - Aisha u martua me Sadio Mane, një ish-mesfushor i Liverpool dhe Bayern Munich, i cili aktualisht është nën kontratë me Al Nassr, një skuadër nga Arabia Saudite.

Sadio Mane, bashkëlojtari i Cristiano Ronaldos te Al Nassr dhe ylli i kombëtares së Senegalit, befasoi shtypin ndërkombëtar, pasi më 7 janar 2024, u martua me një grua të re për të cilën askush nuk dinte asgjë.

Nuk dihej as që Mane do të kishte një lidhje, ndaj tronditja ishte e madhe kur futbollisti u shfaq i veshur me kostum në dasmë, pranë asaj që u bë gruaja e tij, pikërisht Aisha Tamba.

Pas ngjarjes filluan të qarkullojnë shumë thashetheme për marrëdhënien mes të dyve, aq më tepër që Aisha është shumë më e re se futbollisti i Al Nassr. E reja sapo ka mbushur 18 vjeç, ndërsa Sadio Mane do të mbushë 32 vjeç më 10 prill.

Burime të caktuara në shtypin ndërkombëtar mësuan se Sadio Mane dhe Aisha Tamba janë njohur kur vajza ishte vetëm 16 vjeç. Ish-ylli i Liverpoolit dhe Bayernit do të kishte paguar për të renë, përfshirë edhe studimet e saj dhe martesa mes tyre do të bëhej me pëlqimin e të dy familjeve.

Zonja Mane, 18-vjeçare, tregon se cila është e vërteta e

Ngjarja e 7 janarit 2024 u zhvillua në Dakar dhe ndoqi në detaje të gjitha traditat e imponuara nga kultura senegaleze. Dhe pak ditë pas dasmës, zonja Mane pranoi të thyente heshtjen në një intervistë dhe tha se askush nuk dinte asgjë për të, sepse i pëlqen të jetë një person shumë i matur:

“Jam e emocionuar për jetën time të re, jam e vetëdijshëm që gjithçka do të jetë ndryshe, por nuk ndjej asnjë presion. E di që paratë dhe fama e Sadios nuk do të më ndryshojnë.  Kjo nuk është ajo që më intereson.

Unë do të mbetem një person i përulur. Nuk jam mësuar të kem kaq shumë vëmendje për mua, sepse vij nga një familje që vlerëson privatësinë.

Ne nuk na pëlqen të shqetësohemi dhe të flasim për jetën tonë. Unë jam një vajzë me këmbë në tokë, kështu jam rritur dhe asnjë martesë nuk do ta ndryshojë këtë. Megjithatë, jam e nderuar që tani jam zonja Mane”,- ka thënë Aisha Tamba, cituar nga Goal.com.

E reja zbuloi gjithashtu se nuk ka llogari në rrjetet sociale, prandaj nuk ka dëgjuar për Georgina Rodriguez, partneren e Cristiano Ronaldos. “Nuk e di kush është, nuk jam fare në rrjetet sociale”,- shtoi zonja e re Mane.

 
 
 
 
 
View this post on Instagram
 
 
 
 
 
 
 
 
 
 
 

A post shared by FootTheBall (@foottheballofficial)

B.T (Dosja.al)

Sondazh

Poll

MË SHUMË