Bota

Trazirat në Ekuador/ Arrestohen qindra persona në përpjekje për të ndalur shpërthimin e dhunës

Qeveria njoftoi se të huajt që duan të hyjnë në vend nga Kolumbia ose Peruja do të duhet të sigurojnë një certifikatë të rekordit penal si një masë për të parandaluar dhe kontrolluar hyrjen e individëve që përbëjnë një kërcënim ose rrezik për sigurinë publike.

13 Janar 2024, 21:16 Nga A.TH
Trazirat në Ekuador/ Arrestohen qindra persona në përpjekje
Foto ilustruese

EKUADOR- Presidenca e Ekuadorit bëri të ditur se gati 900 persona janë arrestuar në një operacion të sigurisë kombëtare për të ndaluar një shpërthim dhune nga bandat.

Presidenca thotë se 94 nga 859 personat e arrestuar janë anëtarë të atyre që i quajnë grupe terroriste, raportojnë mediat e huaja. Ekuadori është tronditur nga shpërthime, rrëmbime policore dhe trazira në burgje në një valë dhune që filloi me arratisjen nga burgu të një prej bosëve më të fuqishëm të drogës fundjavën e kaluar.

Presidenti i Ekuadorit Daniel Noboa deklaroi gjatë javës se vendi është në një gjendje konflikti të armatosur të brendshëm, duke urdhëruar forcat e sigurisë të neutralizojnë disa banda kriminale të akuzuara për përhapjen e dhunës ekstreme. Noboa listoi gjithashtu 22 banda kriminale si organizata terroriste në dekretin presidencial.

Qeveria ekuadoriane njoftoi të enjten se të huajt që duan të hyjnë në vend nga Kolumbia ose Peruja do të duhet të sigurojnë një certifikatë të rekordit penal si një masë e krijuar për të parandaluar dhe kontrolluar hyrjen e individëve që përbëjnë një kërcënim ose rrezik. për sigurinë publike. Noboa ka pohuar se 90% e të burgosurve të huaj në Ekuador janë kolumbianë, peruanë dhe venezuelianë.

trazirat ne ekuador

Sondazh

Poll

MË SHUMË