Sport

Paris Saint-Germain, nën hetim gjyqësor për "ndikim" të mundshëm të "Topit të Artë" të 7-të të Lionel Messit

Telashe të reja për Paris Saint-Germain, i cili ka hyrë në mikroskopin e autoriteteve gjyqësore franceze për lobim tek "France Football" që Messi të fitojë Topin e Artë 2021.

6 Janar 2024, 20:19 Nga DOSJA

Paris Saint-Germain, nën hetim gjyqësor për "ndikim"

FRANCE - Vitin kur Robert Lewandowski u “çmend” me fanellën e Bayern Munichut, të gjithë ishin të sigurt se golashënuesi më i mirë polak i bavarezëve do të fitonte Topin e Artë për herë të parë në karrierën e tij. E megjithatë zgjedhja përfundimtare ishte Lionel Messi (atëherë për herë të 7-të, pasi pasoi e 8-ta e sivjetme) një fakt që shkaktoi shumë diskutime...

Vetëm se çështja u kthye në plan të parë në një mënyrë shumë të keqe për Paris Saint-Germain, e cila nuk mjaftoi se u përball nga autoritetet për evazion fiskal të mundshëm në transferimin e shumëpërfolur të Neymar në vitin 2017, tashmë sipas asaj që përflasin media të ndryshme franceze, ajo dyshohet se është përfshirë në mënyrë të padrejtë në procesin e çmimit të Topit të Artë, e duke promovuar Lionel Messin si lojtarin më të mirë në 2021!

Sipas “Le Monde” dhe “Mediapart”, Parisi duket se po hetohet nga Policia për presione dhe dhurata të dyshimta ndaj “ France Football ”, përgjegjës për organizimin e Topit të Artë, në mënyrë që çmimi të përfundojë në Krahët e argjentinasit.

Paris Saint-Germain, nën hetim gjyqësor për "ndikim"

Veçanërisht, që në momentin e parë që Messi shkeli në Paris, drejtuesit e Parisit u përpoqën të forconin marrëdhëniet e tyre me revistën franceze dhe veçanërisht me presidentin Pascal Feret, me qëllim krijimin e një "lobi" që do të promovonte yllin 36-vjeçarë.

Në këmbim, Ferre u punësua për disa muaj si oficer komunikimi i Parisit, mori bileta për shumë ndeshje në Parc des Princes, por edhe bileta për fluturime të klasit të biznesit që arrinin në nëntë mijë euro.

Paris Saint-Germain, nën hetim gjyqësor për "ndikim"

Nga ana e tij, megjithatë, Ferre dhe shoqëruesit e tij mohuan çdo përpjekje për të promovuar Lionel Messin në kurriz të kandidatëve të tjerë për Topin e Artë, madje ai theksoi se në vitin 2021 ai votoi për Robert Lewandowski si lojtarin më të mirë. Një votë, megjithatë, që nuk rezultoi e mjaftueshme, pasi argjentinasi arriti të lërë polakun në vendin e dytë dhe të fitojë Topin e 7-të të Artë të karrierës së tij.

B.T (Dosja.al)

Sondazh

Poll

MË SHUMË