Sport

Ish-gjyqtari masakron VAR-in, “anulon” dy gola në Inter-Verona…

Interi ndaj Veronës në “San Siro” dhe u shpall “Kampion i Dimrit” në Serinë A, megjithatë polemikat e kësaj sfide ishin të shumta.

6 Janar 2024, 19:44 Nga DOSJA

Ish-gjyqtari masakron VAR-in, “anulon” dy gola në

ITALI - Pas ndeshja Inter-Verona (2-1) ka patur shumë zhurmë. Sidomos nga veronezët, të cilët janë ndjerë të vjedhur. Mbi të gjitha, kritikat ishin ndaj VAR-it, që sipas ish-arbitrit Graziano Cesari, duhej të ndërhynte për të anuluar dy nga tre golat e shënuar mesditën e të shtunës në Milano.

Cesari e quajti vërtetë të rëndë heshtjen e VAR-it në rastin e golit të dytë të Interit, që erdhi pak sekonda, pasi Bastoni goditi brenda zonës njërin prej kundërshtarëve, i cili mbeti i shtrirë në tokë. Sigurisht jashtë përgjegjësisë nuk mbetet edhe gjyqtari kryesor Michael Fabbri, i cili çuditërisht, sipas klubit veronez, është ndryshuar pak para ndeshjes me Interin…

Ja moviola e Cesarit për rastet e diskutueshme:

Goli i dytë i Interit - Gjyqtari nuk e pa dhe me të drejtë, pasi ishte aksion i shpejtë, por VAR-i duhej të ndërhynte. Ndoshta u ndikuan nga fakti që topi u përplas në traversë dhe e quajtën një aksion të ri, por ishte faull i rëndë dhe duhej të ndërhynin për të anuluar golin.

Goli i barazimit i Veronës - Magnani dhe Arnautovic mbahen me njëri-tjetrin, por në momentin e rënies së sulmuesit të Interit, të dyja duart e mbrojtësit të Veronës janë mbi shpinën e tij, që konfirmojnë një shtyrje të pastër. Edhe këtu VAR-i duhej të ndërhynte për anulimin e golit.

Penalltia për Veronën në shtesë - Ndonëse i lehtë, kontakti është i qartë dhe askush nuk mund të protestojë. Më në fund VAR-i bëri diçka të mirë.

Ish-gjyqtari masakron VAR-in, “anulon” dy gola në

B.T (Dosja.al)

Sondazh

Poll

MË SHUMË