Sport

ZYRTARE/ “Skuka rikthehet në shtëpi”, Partizani zyrtarizon goditjen e janarit...

Tashmë me rikthimin te Partizani, Xhuliano Skuka do të provojë të rigjejë formën e tij më të mirë dhe t’i ndihmojë të kuqtë për ruajtjen e titullit kampion…

6 Janar 2024, 19:11 Nga DOSJA
ZYRTARE/ “Skuka rikthehet në shtëpi”, Partizani zyrtarizon

TIRANE - Xhuliano Skuka “rikthehet në shtëpi”, kështu nis prezantimi i Partizanit për huazimin e sulmuesit, i cili për 6 muaj do të riveshë sërish fanelën e të kuqve. Klubi i Partizanit dhe Metz, kanë arritur marrëveshjen mes tyre për huazimin e 25-vjeçarit te kampionët e Shqipërisë.

Sulmuesi dibran do të bashkohet sërish me Partizanin, skuadër ku spikati gjatë vitit 2022. Duke shënuar 19 gola në 37 ndeshje, para se të transferohej në janarin e vitit të kaluar te francezët e Metz.

Pikërisht këta të fundit kanë pronësinë e kartonit të Skukës. Në gjysmën e parë të këtij sezoni ishte i huazuar te sllovenët e Mariborit, ku nuk arriti të lërë gjurmë. Tashmë me rikthimin te Partizani, Xhuliano Skuka do të provojë të rigjejë formën e tij më të mirë.

Nga ana tjetër, “të kuqtë” shtojnë një tjetër “armë të fortë” në organikë, që mund të rezultojë mjaft e rëndësishme në betejën për të mbrojtur titullin kampion.

B.T (Dosja.al)

Sondazh

Poll

MË SHUMË