Sport

Ten Hag beson se do të vazhdojë të qëndrojë në Man.United...

“Pronarët e rinj duan të punojnë me mua dhe unë gjithashtu dua të punoj me ta”,- ka thenë trajneri holandez.

30 Dhjetor 2023, 08:30 Nga DOSJA

Ten Hag beson se do të vazhdojë të qëndrojë në

ANGLI - Trajneri i Manchester United, Erik ten Hag, ka shprehur shpresën se do të vazhdojë t’i udhëheqë "Djajtë e Kuq" edhe nën pronarët e ardhshëm minoritar të klubit "INEOS".

Siç dihet, “Old Trafford” njoftoi pak ditë më parë se u arrit marrëveshja e shumëpritur me Sir Jim Ratcliffe dhe kompaninë e tij “INEOS” për të blerë 25% të aksioneve të klubit anglez.

Në xhiron e fundit, Manchester United regjistroi një fitore dramatike 3-2 ndaj Aston Villas, e cila të paktën përkohësisht riktheu buzëqeshjen në fytyrat e tifozëve të skuadrës.

“Orari është aq i ngjeshur sa nuk kam pasur ende kohë të flas me ta, por ajo kohë do të vijë dhe po e pres me padurim. Ata duan të punojnë me mua, unë dua të punoj me ta. Ne do të zhvillojmë bisedime, takime, kështu që do të shohim”, tha Ten Hag.

“Unë nuk mendoj se do të ketë ndonjë ndryshim të madh, kështu që do të jetë një formacion i ngjashëm me atë që kishim kundër Aston Villas. E shihni reagimin në Nottingham kur hyri trajneri i ri Nuno Espirito Santo, shihni frymën. Duhet të jemi gati për këtë dhe kjo varet gjithmonë nga ne”,- tha holandezi holandez.

B.T (Dosja.al)

Sondazh

Poll

MË SHUMË