Sport

Tatuazh spektakolar i Vinicius në shpinë... legjenda sportive dhe fjalë të zjarrta...

"Ishte e mrekullueshme ta mbyllja 2023-ën me këtë tatuazh të pabesueshëm të plotë të shpinës, të bërë në 8 orë për vëllain tim Vinicius”, ka shkruar artisti Ganga në rrjetet sociale

30 Dhjetor 2023, 07:30 Nga DOSJA

Tatuazh spektakolar i Vinicius në shpinë... legjenda sportive dhe

SPANJE - Real Madridi i është rikthyer stërvitjeve në Valdebebas këtë të premte me një lajm të mirë, praninë në grup të Camavingas, Carvajal dhe Vinicius.

Braziliani, ashtu si francezi dhe spanjolli, tashmë po ushtrohet me shokët duke menduar për rikthimin e tij në skuadrën e Ancelottit, fillimisht për Superkupën, ndonëse nuk përjashtohet mundësia që të përfshihet në skuadër për ndeshjen e parë të vitit ndaj Mallorcas.

Vini, i cili ka përfituar nga pushimet për të vizituar Amerikën dhe për të shijuar NBA-në, ka dashur të bëjë edhe një tatuazh të mrekullueshëm në shpinë që ka bërë bujë.

Ganga, artisti murcian, i cili u ka bërë tatuazhe yjeve të tjerë ndërkombëtarë, si LeBron James, Alcaraz apo Drake, tashmë ka lënë vulën e tij edhe tek Vini, i cili donte të kishte në shpinën e tij legjenda të sportit, si Kobe Bryant, Pelé, Michael Jordan, apo Muhammad Ali. Përveç këtyre imazheve spektakolare, është shkruar fjala 'Mentalitet' ose simbolika 'Jetët e zezakëve kanë rëndësi'.

Vetë Ganga është ai që e tregoi punën e tij në rrjetet sociale dhe e bëri këtë me këtë mesazhin: "Ishte e mrekullueshme ta mbyllja 2023-ën me këtë tatuazh të pabesueshëm të plotë të shpinës, të bërë në 8 orë për vëllain tim Vinicius, gjithmonë me ekipin tim."

Tatuazh spektakolar i Vinicius në shpinë... legjenda sportive dhe