Sport

Kokëkuqja kujton legjendën e Formulës 1: “Vazhdo të luftosh Michael!”

Ferrari i dërgoi mesazhin e veçantë Michael Schumacher-it me rastin e 10-vjetorit të aksidentit që ndryshoi jetën e tij.

29 Dhjetor 2023, 20:16 Nga DOSJA
Kokëkuqja kujton legjendën e Formulës 1: “Vazhdo të

ITALI - Kanë kaluar dhjetë vjet sot (29/12) nga dita kur jeta e Michael Schumacher ndryshoi përgjithmonë.

Piloti gjerman i Formula 1 ishte duke bërë ski në resortin Meribel të Alpeve franceze, kur doli nga pista, u rrëzua dhe goditi kokën në një gur, duke pësuar lëndime të rënda në kokë.

54-vjeçari ra në koma të induktuar dhe iu nënshtrua disa operacioneve dhe nuk është parë më në publik që nga aksidenti i tij. Familja e tij e ka mbajtur të fshehtë gjendjen e tij, megjithëse ai po suvejohet nga një ekip i stafit mjekësor dhe gruaja e tij Corina në shtëpinë e tyre në Liqenin e Gjenevës.

Në përvjetorin e sotëm të aksidentit të tmerrshëm, Ferrari i dërgoi mesazhin e tij Michael Schumacher. Konkretisht, skuadra italiane e Formulës 1 ka postuar një foto të tij në llogarinë e saj zyrtare në Twitter dhe ka komentuar:

“Dhjetë vjet më vonë dhe gjithmonë në zemrat tona. Vazhdo të luftosh Michael .'

B.T (Dosja.al)

Sondazh

Poll

MË SHUMË