Politike

Gjykata i rrëzon kërkesën për përjashtimin e gjyqtarëve, Beleri: Procesi i manipuluar

Në seancë ishte i pranishëm edhe kreu i PBDNJ, Vangjel Dule dhe ambasadorja greke, Konstantina Kamitsi

29 Dhjetor 2023, 11:11 Nga r.ll
Gjykata i rrëzon kërkesën për përjashtimin e
fredi beleri

TIRANË- Gjykata e Posaçme ka rrëzuar kërkesën e kryebashkiakut të zgjedhur të Himarës, Fredi Belerit, i cili kërkoi përjashtimin e gjyqtarëve, Erjon Çela dhe Irena Gjoka, me pretendimin se janë treguar të njëanshëm ndaj tij.

Në seancë ishte i pranishëm edhe kreu i PBDNJ, Vangjel Dule dhe ambasadorja greke, Konstantina Kamitsi. Gjithashtu u paraqitën 5 dëshmitarë mes tyre një gazetar lokal që intervistoi Avdyl Ramën, vëllain e bashkëpunëtorit të drejtësisë Arsen Rama.

Dëshmitarët e tjerë ishin banor të Himarës të cilët dhanë sqarime se kishin miqësi me Belerin dhe e takonin disa për shkak të fushatës zgjedhore e disa si bashkëqytetar të Himarës. Avokatët paraqitën kërkesën që në listën e dëshmitarëve të thërriten kancelari i gjykatës së Vlorës dhe ai i prokurorisë së të njëjtit qytet. Trupa gjykuese është tërhequr për të marrë vendim lidhur me këtë kërkesë.

Vetë Fredi Beleri ishte i pranishëm në seancë ku parashtroi disa pretendime. “Çështja është montuar keq. Prokuroria e Vlorës është vënë në shërbim të policisë dhe janë manipuluar provat. Kam kërkuar informacione për personat që kanë falsifikuar provat.

Këto informacione janë të nevojshme një mbrojtje normale. Më kanë futur në burg me një dëshmi penaliteti të falsifikuar. Vijon manipulimi nga Prokuroria, nuk dihet për çfarë arsyesh. Ndihem i ofenduar dhe i diskriminuar. Kërkojnë me doemos të më dënojnë”, mësohet të ketë thënë Beleri.

 

fredi beleri

Sondazh

Poll

MË SHUMË