Bota

"Të premten takoj Ramën"/ Tajani njofton vizitën në Shqipëri dhe komenton Kushtetuesen: Nuk do ndërhyjmë në vendimet e tyre

Kujtojmë se ratifikimi i marrëveshjes në Kuvend u planifikua për në 14 dhjetor, por u pezullua, pasi Gjykata Kushtetuese një ditë më herët, pranoi për shqyrtim, kërkesën e deputetëve të grupit Bardhi-Berisha që kundërshtojnë zbatimin e saj.

18 Dhjetor 2023, 13:59 Nga h.k
"Të premten takoj Ramën"/ Tajani njofton vizitën
Antonio Tajani

ITALI-Ministri i Jashtëm Antonio Tajani ka njoftuar se në 22 dhjetor do të vizitojë Shqipërinw dhe do takohet me kryeministrin Edi Rama. Kjo u bë e ditur nga vetë Tajani në vazhdën e Konferencës së Ambasadorëve të Farnesina-s.

Ministri ka thënë më tej se do të vizitoj “vendet ku do të vendosen qendrat për emigrantët që do të duhet të rikthehen në vendet e tyre të origjinës”, bazuar në marrëveshjen e nënshkruar mes dy vendeve. Qeveria italiane, siç theksoi ai nuk është e shqetësuar për pezullimin e ratifikimit dhe në çdo rast ekziston mirëkuptimi për “të mos ndërhyrë në vendimet e Gjykatës Kushtetuese Shqiptare”.

Kujtojmë se ratifikimi i marrëveshjes në Kuvend u planifikua për në 14 dhjetor, por u pezullua, pasi Gjykata Kushtetuese një ditë më herët, pranoi për shqyrtim, kërkesën e deputetëve të grupit Bardhi-Berisha që kundërshtojnë zbatimin e saj. Seanca, pas shqyrtimit të çështjes do të mbahet në 18 janar.

Gjatë vizitës së tij në Shqipëri siç përcjellin mediat Tajani do të vizitojë edhe ushtarakët e Guarda Finanza-s, si dhe do të ndalet edhe në Mal të Zi për të uruar të gjithë ushtarakët italianë të angazhuar jashtë si “pjesë e politikave të jashtme”.

antonio tajani marreveshja e refugjateve

Sondazh

Poll

MË SHUMË