Aktualitet

"Hyra për gjë tjetër, u pyeta për gjë tjetër"/ Qyno për mbajtjen në BKH: Shkresa e tyre nuk kishte lidhje me informacionin që u pyeta

Qyno tha në një intervistë për Syri.Tv se shkresa për të cilën ishte thirrur nuk korrespondonte me pyetjet që iu drejtuan.

14 Dhjetor 2023, 18:45 Nga h.k
"Hyra për gjë tjetër, u pyeta për gjë
Elton Qyno

TIRANË-Elton Qyno, gazetari i kronikës ka folur sot në një intervistë për mediat në lidhje me ndalimin e tij ditën e djeshme në BKH. Qyno tha në një intervistë për Syri.Tv se shkresa për të cilën ishte thirrur nuk korrespondonte me pyetjet që iu drejtuan.

Sipas tij materialet publikohen nga një gazetarë pasi seanca shkon në gjyq. 

Qyno: Unë e kam nënshkruar. Kjo shkresë nuk ka lidhje me informacionin që kam publikuar unë dy ditët e fundit. Shkresa ishte për dosjen Plumbi Artë dhe unë i kam qendruar rigoroz asaj cështje dhe unë i kam gjurmuar këto akte përmes avokatëve dhe prokurorëve. Në momentin që cështja shkon në gjyq, ne i marrim materialet dhe i publikojmë. Pastaj ne vendosim si i publikojmë, sipas gazetarit. Unë e marr të mirqenë që dhe SPAK do ndiqte të njëjtin standard. Nuk e di nëse e keni thënë ju burimin kur keni qenë gazetar.

Gazetari i kronikës, Elton Qyno, u mor në pyetje për gati 7 orë ditën e djeshme në Tiranë, ndërsa oficerët e Byrosë Kombëtare të Hetimit kryen kontroll në banesën dhe në zyrën e tij në televizionin Ora, pas hetimeve të nisura nga Prokuroria e Posaçme për nxjerrje të sekretit hetimor. Gazetari ka treguar se i ishte bërë presion për të treguar burimin. Qyno u mor në pyetje dhe u raportua se iu kërkua të tregonte burimin e informacioneve të cilat i kishte publikuar në media lidhur me Nuredin Dumanin.

elton qyno

Sondazh

Poll

MË SHUMË