Politike

Gjykata Kushtetuese pezulloi marrëveshjen për emigrantët, Rama: Është detyra e saj, nuk kam çfarë të komentoj

Në një konferencë për mediat, Rama theksoi se është detyra e saj për të gjykuar një marrëveshje përpara ratifikimit të saj.

14 Dhjetor 2023, 13:01 Nga I.A
Gjykata Kushtetuese pezulloi marrëveshjen për emigrantët, Rama:
Edi Rama

TIRANË- Kryeministri Edi Rama ka komentuar pezullimin e marrëveshjes me Italinë për emigrantët nga Gjykata Kushtetuese. Në një konferencë për mediat, Rama theksoi se është detyra e saj për të gjykuar një marrëveshje përpara ratifikimit të saj.

Pyetja: z.Kryeministër sot në agjendën e Kuvendit ishte dhe miratimin i marrëveshjes së Refugjatëve me Italinë, por ditën e djeshme Gjykata Kushtetuese ka pezulluar ratifikimin, por nuk ka vendosur një datë për ta shqyrtuar, si e komentoni ju këtë gjë?

Rama: Është e drejta e Gjykatës Kushtetuese është e sanksionuar në Kushtetutë. Detyra automatike e Gjykatës kushtetuese për të qëmtuar një marrëveshje ndërkombëtare përpara ratifikimit të saj. Nuk kam asgjë për të komentuar, se nuk shoh asgjë që të lidhet me detyrat e mia”, tha Rama.

Një ditë më parë, Gjykata Kushtetuese vendosi pezullimin e marrëveshjes mes Shqipërisë dhe Italisë për emigrantët. Mbledhja e gjyqtarëve të Gjykatës Kushtetuese vlerësoi si të ligjshme kërkesën e 30 deputetëve të opozitës.

edi rama

Sondazh

Poll

MË SHUMË