Sport

Vrasja e tifozit të AEK-ut të Athinës: Lirohen 30 tifozë kroatë, do të dëbohen nga Greqia

Në paraburgim që nga 8 gushti, pas vdekjes së një mbështetësi grek të AEK-ut në Athinë, 30 tifozë kroatë të Dinamo Zagrebit janë liruar dhe dëbohen nga Greqia.

10 Dhjetor 2023, 20:23 Nga DOSJA

Vrasja e tifozit të AEK-ut të Athinës: Lirohen 30 tifozë

GREQI - Tridhjetë tifozë të Dinamo Zagrebit, në paraburgim pas vrasjes së një mbështetësi të AEK-ut të Athinës më 7 gusht, janë liruar dhe duhet të deportohen. 

Sipas gjyqtarëve hetues, “nuk u gjet asnjë provë që t'i lidhte këta persona me vrasjen” e Michalis Katsouris, 29 vjeç, i therur me thikë gjatë përleshjeve të dhunshme mes tifozëve të dy skuadrave në prag të ndeshjes së parë të raundit të 3-të të Ligës së Kampionëve në Athinë. 

Lirimi i tyre parashikon një garanci prej 1000 eurosh, shoqëruar me ndalimin e hyrjes së tyre në Greqi.

Këta tridhjetë persona janë pjesë e rreth njëqind tifozëve kroatë, të dyshuar se i përkasin huliganëve të “Bad Blue Boys” të Dinamo Zagrebit, të cilët u arrestuan dhe u vendosën në paraburgim natën e 7-8 gushtit. 

Gjashtëdhjetë e pesë persona të tjerë nga ky grupim morën më herët lirimin e tyre. Të gjithë ata akuzohen për “shpërthime”, “dhunë” dhe “lëndime të rrezikshme trupore”.

B.T (Dosja.al)

Sondazh

Poll

MË SHUMË