Sport

Pioli përpara ndeshjes me Atalantën: “Për Leaon do të vendosim sot pas stërvitjes!”

Për ndeshjen në Bergamo, trajneri i kuqezinjve do të duhet të përballet ende me emergjencën në mbrojtje, por ai do të gjejë përsëri Giroud dhe ndoshta Leao.

8 Dhjetor 2023, 12:32 Nga DOSJA
Pioli përpara ndeshjes me Atalantën: “Për Leaon do të

ITALI - Milani i Stefano Piolit po përgatitet të përballet me Atalantën me synimin për t'i dhënë vazhdimësi fitoreve ndaj Fiorentinës dhe Frosinones. Kuqezinjtë do të përballen me një ekip në kërkim të shpengimit, i cili ka fituar vetëm një pikë në katër ndeshjet e fundit.

Për ndeshjen në Bergamo, trajneri i kuqezinjve do të duhet të përballet ende me emergjencën në mbrojtje, por ai do të gjejë përsëri Giroud dhe ndoshta Leao: "Në ditët e fundit ai ka arritur nivele të mira të intensitetit – tha trajneri kuqezi -. Stërvitja e sotme do jetë vendimtare, atëherë ne do të vendosim nëse do ta marrim me vete në Bergamo apo jo".

Për momentin e sezonit

"Kanë mbetur ende shumë ndeshje për të bërë vlerësime përfundimtare, por është e qartë se duhet të kërkojmë vazhdimësi. Ky është objektivi i madh dhe nesër kemi një mundësi të madhe. Objektivi minimal është vendi i katërt, madje duam të bëjmë diçka më shumë”.

Ndaj Alatantas

"Do të jetë një ndeshje e mirë dhe e vështirë, ata do të luftojnë deri në fund për katër vendet e para. Ata janë një ekip i kompletuar, që kanë pasur disa vështirësi në ndeshjet e fundit, por që kanë forcë dhe organizim. Do të nevojitet një paraqitje e nivelit të lartë”.

B.T (Dosja.al)

Sondazh

Poll

MË SHUMË