Politike

Çështja ‘Partizani’, Berisha duhet të paraqitet sot në SPAK për masën ‘detyrim paraqitjeje’

Berisha refuzon që të përballet me drejtësinë për këtë aferë dhe deri më tani nuk është paraqitur për masat e sigurisë në muajin nëntor.

4 Dhjetor 2023, 08:04 Nga A.B
Çështja ‘Partizani’, Berisha duhet të paraqitet sot
Sali Berisha

TIRANË- Kryetari i Partisë Demokratike, Sali Berisha duhet të paraqitet ditën e sotme në SPAK në zbatim të masës ‘detyrim paraqitjeje’ dhe ‘ndalim i daljes jashtë shtetit’,  dhënë ndaj tij nga GJKKO më 20 tetor për aferën ‘Partizani’. Në orën 10:00, ish-kryeministri duhet të paraqitet para oficeres së policisë gjyqësore të SPAK, Adelajda Metaj, të hënën e parë dhe të tretë të çdo muaji.

Berisha refuzon që të përballet me drejtësinë për këtë aferë dhe deri më tani nuk është paraqitur për masat e sigurisë në muajin nëntor.

Ndërkohë, sot në orën 10:00 pritet që të mblidhet Kuvendi dhe Berisha nuk dihet nëse do të shkojë në SPAK, por deri më tani ai ka lënë të nënkuptuar që nuk do të paraqitet pasi nuk e njeh masën e sigurisë. Nëse Berisha vijon refuzimet ndaj drejtësisë, ai rrezikon masë më të rëndë si ajo ‘arrest shtëpie’.

Sot, duhet të paraqitet në SPAK edhe ndërtuesi Fatmir Bektashi, i cili deri më tani është paraqitur para oficeres së Policisë Gjyqësore. Bektashi akuzohet për bashkëpunim me Jamarbër Malltezin në korrupsion e pastrim parash me qëllim përfitimin e 5.4 milionë eurove nga dhëndri i ish-kryeministrit./Dosja.al

sali berisha

Sondazh

Poll

MË SHUMË