Politike

"Synojmë të jemi lider në 2030"/ Rama nga Samiti i Klimës: Do investojmë në energjinë diellore dhe atë të erës

Rama ka folur në fjalën e tij mbi investimet dhe synimet e Shqipërisë në lidhje me energjinë dhe përpjekjet e qeverisë për të asimiluar gazrat kërcënues ndotës si një alarm global.

2 Dhjetor 2023, 12:55 Nga h.k
"Synojmë të jemi lider në 2030"/ Rama nga Samiti i
Edi Rama

ABU DABI-Kryeministri i Shqipërisë Edi Rama ka marrë pjesë ditën e sotme në Samitin e Klimës të mbledhur në Emiratet e Bashkuara. Rama ka folur në fjalën e tij mbi investimet dhe synimet e Shqipërisë në lidhje me energjinë dhe përpjekjet e qeverisë për të asimiluar gazrat kërcënues ndotës si një alarm global. Rama përgëzoi në fjalën e tij angazhimin e rajonit në këto çështje dhe ka dhënë disa mendime lidhur me punën që duhet të vijojë.

Kryeministri i Shqipërisë kritikoi disa vende në fjalën e tij, ku sipas tij janë larg marrëveshjes së Parisit. Nga ana tjetër Rama tha se Shqipëria ka synim të jetë lider i energjisë brenda 2030 në prodhimin neto dhe se do të rrisin investimet për zhvillimin e energjisë së erës dhe atë diellore.

“Si përfaqësues i Republikës së Shqipërisë, por edhe i një rajoni që po ecën shpejt, por është ende në zhvillim në Europë, i quajtur Ballkani Perëndimor, qëndroj këtu para jush sot për të ndarë disa mendime.
Të gjithë e dimë se për dekada vende në zhvillim si i yni, janë rrekur në mënyrë të palodhur për të trajtuar sfida të zhvillimit ndërkohë që janë përballur me efektet negative të ndryshimit të klimës. Dhe po, marrëveshja e Parisit ishte një rreze shprese, një premtim i bërë nga bota për të ruajtur planetin tonë dhe banorët e tij, e megjithatë realiteti është larg zotimeve të ndërmarra. Për ta thënë ashtu siç është, barra e aksionit për klimën vazhdon të bjerë në mënyrë shpërpjesëtimore në shpatullat e vendeve në zhvillim, pavarësisht kontributit tonë minimal në këtë krizë ndërkohë që ndotësit e mëdhenj bëjnë maksimumin e tyre për të na dhënë leksione, por jo për t’u ndalur vetë.
Megjithatë ajo çfarë ne bëjmë, është ajo tek e cila besojmë dhe jemi zotuar të ulim emetimet e gazrave serrë në nivel global me 20.9% deri në 2030 dhe të arrijmë asnjanësinë klimatike deri në 2050.

Së dyti, vendi ynë synon të bëhet lider energjitik në rajon dhe eksportues neto energjie deri ne 2030, por duhet ta dini që Shqipëria është një prej vendeve të rralla që nuk ka emetime të dioksidit të karbonit nga prodhimi i energjisë.
Sigurisht nga ana tjetër, përballet me një rrezik ekstrem hidrologjik sepse ne varemi nga klima edhe pse tashmë jemi në një diversifikim në shkallë të plotë me energjinë e erës dhe diellit.

Së treti, Shqipëria ka ecur përpara me zbatimin e praktikave të zgjidhjeve bazuar në natyrë gjatë viteve të fundit dhe këtë vit Vjosa, i pagëzuari lum i fundit i egër i Europës është shpallur Park Kombëtar në Shqipëri. Ishte për të qeshur sidoqoftë, sepse më të mëdhenjtë e më të pasurit rreth nesh në Europë, që kanë zbutur të gjithë lumenjtë e tyre na dhanë leksione gjatë gjithë kohës se sa e rëndësishme ishte të kishim një lumë të egër në Europë, por s’ka rëndësi, të qeshësh është mirë dhe angazhimi ynë është i fortë dhe real ndaj ne e bëmë dhe jemi plotësisht të përkushtuar që të vazhdojmë kështu. Në fund më lini ta përmbyll me një përmendje të veçantë e të falenderoj nga zemra vendin mikpritës të kësaj ngjarjeje të madhe, Emiratet e Bashkuara Arabe dhe udhëheqjen e këtij vendi, Presidentin vizionar Mohammed bin Zayed i cili po i tregon bashkësisë sonë të vendeve çfarë do të thotë të lidhësh fjalët me veprat dhe duke iu thënë mirupafshim të gjithëve, uroj të kishim pasur më shumë Emirate të Bashkuara Arabe në komunitetin tonë të vendeve në mënyrë që atë çfarë është e zymtë, ta bëjmë më të lehtë e rrugëtimin tonë më të ndritshëm.“-tha Rama në fjalën e tij.

samiti i klimes ne abu dabi sali berisha

Sondazh

Poll

MË SHUMË