Sport

Didier Deschamps do të mungojë në Hamburg për shortin e “Euro 2024”

Pasi ka kryer së fundmi një operacion në shpinë, trajneri nuk do të udhëtojë në Hamburg këtë të shtunë për shortin e Kampionatit Evropian 2024 në Gjermani. Zëvendësi i tij Guy Stéphan do të përfaqësojë delegacionin francez.

1 Dhjetor 2023, 17:57 Nga DOSJA

Didier Deschamps do të mungojë në Hamburg për shortin e

FRANCE - Didier Deschamps nuk do të marrë pjesë në shortin e “Euro 2024” këtë të shtunë në Hamburg në orën 18:00. Trajnerit të Francës, i cili prej disa javësh vuante nga dhimbjet e shpinës, në fillim të javës iu desh të operohej.

Kjo ndërhyrje e ka penguar të udhëtojë për disa ditë. Ai duhet të vëzhgojë pushimin. Trajneri i “Bluve” ngarkoi Guy Stéphan për ta përfaqësuar atë në Hamburg. Zëvendësi francez është mësuar me ceremoni të tilla dhe e ka shoqëruar rregullisht Deschamps në këto shorte.

“Nuk ishte kënaqësi që hoqa dorë të mos shkoj në short ”,- deklaroi trajneri I nënkampionëve të botës 2022. “Është gjithmonë një moment i këndshëm, gjatë të cilit kam shumë qejf të shkëmbej mendime me homologët e mi. Por urtësia diktoi që ne të respektonim disa ditë pushim. Padyshim që shortin do ta ndjek me shumë vëmendje në televizion.

Ky është një moment i rëndësishëm për të gjitha ekipet e kualifikuara. Pasi grupi ynë të njihet, ne do të jemi në gjendje të vërtetojmë zgjedhjen e kampit tonë bazë dhe të fillojmë të studiojmë në detaje lojën e kundërshtarëve tanë të ardhshëm, edhe nëse përgjithësisht i njohim mirë të gjithë. “Blutë” do të vendosen në Hamburg.

B.T (Dosja.al)