Sport

Barcelona po punon për të mbajtur Cancelon, edhe për sezonin e ardhshëm…

Kampionët e La Ligës duan të mbajnë nën kontroll ndërkombëtarin portugez

1 Dhjetor 2023, 17:19 Nga DOSJA

Barcelona po punon për të mbajtur Cancelon, edhe për sezonin e

SPANJE - Sipas informacioneve të botimit spanjol “SPORT”, skuadra e Barcelonës do të tentojë të rikontraktojë Joao Cancelo vitin e ardhshëm. Kampionët në fuqi të La Ligës po punojnë për një strategji për të përfunduar një marrëveshje huazimi me një klauzolë të detyrueshme blerjeje.

Por për momentin, Barcelona dhe Manchester City ndryshojnë në vlerësimin e kësaj klauzole, me gjigantët katalanas që planifikojnë të ofrojnë 30 milionë euro, ndërsa “Qytetarët” duan 50 milionë. Megjithatë, Barça do të përpiqet të gjejë gjuhën e përbashkët me Cityn, në negociata dhe të bëjë një marrëveshje për Cancelo.

Joao Cancelo ka ringjallur karrierën e tij që kur iu bashkua Barcelonës nga Manchester City në verë. 29-vjeçari dikur ishte ndër mbrojtësit më të mirë të krahut në Premier League. Por mosmarrëveshja e tij me Pep Guardiolën pa që qëndrimi i tij në “Etihad” të marrë fund, me Manchester City, që e huazoi atë te Bayern Munich në janar 2023.

Megjithatë, kampionët e Bundesligës nuk bënë një transferim të përhershëm këtë verë. Dhe Cancelo duhej të priste deri në ditën e fundit të afatit kalimtar të verës, për të vendosur të ardhmen e tij të menjëhershme. Kalimi i tij te Barcelona ka qenë shumë i mirë për portugezin dhe ai është një lojtar kyç për skuadrën e Xavi.

Ish-mbrojtësi i Juventusit ka tre gola dhe dy asistime në 16 ndeshje deri më tani për Barcelonën. Kampionët në fuqi të La Ligës janë të prirur ta mbajnë atë në klub përtej sezonit 2023/24 dhe po punojnë për ta mbajtur atë në klub.

B.T (Dosja.al)