Politike

Berisha: Marrëveshjen për emigrantët, do e çojmë në Gjykatë Kushtetuese

Berisha tha pas mbledhjes së grupit se do të bëhet gati teksti dhe do të dërgohet në gjykatë.

23 Nëntor 2023, 15:02 Nga I.A
Berisha: Marrëveshjen për emigrantët, do e çojmë
Sali Berisha

TIRANË- Kryetari i Partisë Demokratike Sali Berisha gjatë deklaratës për mediat u shpreh se, opozita do ta dërgojë në Gjykatën Kushtetuese marrëveshjen për refugjatët. Berisha tha pas mbledhjes së grupit se do të bëhet gati teksti dhe do të dërgohet në gjykatë.

"Arritjen e një rëndësie të jashtëzakonshme. Po detyrohem të perifrazoj prap veten; ai tym dhe ajo blozë që nxiu sterr fytyrën e Edi Ramës dhe Lindit Nikollës, ndriçoi në mbarë botën opinionin publik, mediat mbi të betejën e drejtë pa kthim që zhvillon opozita në parlamentin e Shqipërisë. U vendos që kjo betejë pa kthim të vazhdojë në drejtim të horizonteve të reja. Pra do të përcaktohen gjithnjë. Ju e dini që jemi në dinamizëm të vazhdueshëm dhe ju mbajmë korent çdo ditë. Përsa i përket marrëveshjes së emigrantëve, do të përgatitet teksti dhe do të dërgohet në Kushtetuese. Ne mendojmë se ka një shkelje serioze të kushtetutës, firma e Edi Ramës. Mendojmë se ka probleme serioze të të drejtave të njeriut, ndaj dhe duke mbajtur qëndrimin tonë negativ, opozita do ti drejtohet gjykatës Kushtetuese për marrëveshjen. Ndërsa qëndrimi i Edi Ramës dhe Linda e parlamentit, është më antidemokratik, antiligjor, antikushtues që është mbajtur ndonjëherë. Beteja vazhdon pa kthim," tha Berisha.

sali berisha

Sondazh

Poll

MË SHUMË