Sport

Zbulohet misteri i klauzolës së Xabi Alonsos

Trajneri i Bayer Leverkusen është një nga trajnerët më të lakmuar të momentit

20 Nëntor 2023, 12:34 Nga DOSJA

Zbulohet misteri i klauzolës së Xabi Alonsos

GJERMANI - Viti i fundit i Xabi Alonso te Bayer Leverkusen ka qenë i një niveli të jashtëzakonshëm. Aq sa ish-lojtari spanjol është në synimet e klubeve të mëdha evropiane si Real Madrid, Bayern Munich apo Liverpool.

Kështu, prej disa kohësh dyshohet se spanjolli do të largohet herët nga eksperienca në Gjermani (ka kontratë deri në vitin 2026), pasi ka paguar një klauzolë lirimi, gjë që “Bild” e raportoi në atë kohë, duke u shprehur se spanjoli mund të largohej pa probleme drejt destinacioneve të mundshme: Madrid, Liverpool, ose Mynih.

Megjithatë, një klauzolë e tillë nuk ekziston. Këtë e ka konfirmuar edhe Fernando Carro, CEO i klubit gjerman, i cili në një intervistë për “TalkSPORT” të raportuar nga gazeta “As” ka thënë se trajneri nuk ka asnjë lloj marrëveshjeje në këtë drejtim në kontratën që ka nënshkruar verën e kaluar.

“Klauzola speciale për Xabi Alonson? Jo, nuk keni nevojë të keni një klauzolë. Ne kemi një marrëdhënie shumë, shumë të mirë me Xabin dhe ai e di që ne jemi një klub serioz. Në fund, ne nuk do të detyrojmë dikë të qëndrojë nëse nuk dëshiron të qëndrojë. Ne duam që ju të ndiheni aq të lumtur dhe aq mirë me ne, saqë vërtet dëshironi të qëndroni dhe ky është qëllimi ynë”,- tha ai.

"Jo, nuk ka asgjë në letër, por ndonjëherë marrëveshjet që nuk janë në letër janë gjithashtu marrëveshje. Ne e dimë se nëse ai duhet të bëjë diçka në të ardhmen, ne mund të flasim me njëri-tjetrin. Shpresoj se nuk duhet ta bëjmë këtë sepse ai do të qëndrojë dhe do të jetë i lumtur në Leverkusen”,- shpjegoi ai, duke përgënjeshtruar gjithçka të mediatizuar.

B.T (Dosja.al)