Sport

Haaland rrit numrin e të dëmtuarve te City: Guardiola ka vetëm 13 lojtarë të gatshëm!

Nunes, Kovacic, Aké, Ederson dhe norvegjezi '9' janë dëmtuar gjatë pushimit, duke komplikuar situatën për Guardiolën, gjashtë ditë para përballjes me Liverpool.

19 Nëntor 2023, 12:31 Nga DOSJA

Haaland rrit numrin e të dëmtuarve te City: Guardiola ka vetëm 13

ANGLI - Dëmtimet e kanë penguar Manchester Cityn gjatë gjithë sezonit. "Ne jemi në telashe, por nuk do të them: "Oh, kemi shumë dëmtime". Ruajtja e këtij niveli për një kohë të gjatë do të jetë e vështirë, por ne nuk mund të kemi 35 lojtarë në skuadër sepse do të ishte një kaos”,- deklaronte Guardiola në shtator.

"Ne kemi shumë lojtarë të dëmtuar dhe shumë të tjerë me shumë minuta me kombëtaret e tyre që duhet të pushojnë. Duhet të marr parasysh përpjekjet dhe minutat. Duhet të shmangim sa më shumë dëmtimet, ose do të jemi në telashe",- ka reflektuar Pep.  Infermieria në “Etihad” është 'mbi e ngarkuar' në shumë faza të këtij sezoni.

City hyri në pushimin e ekipive kombëtare me 'vetëm' tre lojtarë jashtë (De Bruyne, Sergio Gómez dhe Stones). Por për të, dëmtimet janë shumëfishuar në këtë dritare ndërkombëtare. "Nuk është serioze, por ai ka dhimbje dhe funksionet e tij janë disi të kufizuara. Fatkeqësisht, ndeshja kundër Skocisë vjen shumë herët",- ka rrëfyer Ola Sand, doktoresha e Norvegjisë, për situatën e Haaland.

Haaland rrit numrin e të dëmtuarve te City: Guardiola ka vetëm 13

Numri '9', i prekur në kyçin e tij të majtë që nga përballja me Bournemouth, norvegjezi pësoi një tjetër dëmtim në miqësoren kundër Ishujve Faroe dhe nuk do të mund të jetë me skuadrën nordike në “Hampden Park”. Gjashtë ditë para pritjes së Liverpoolit në “Etihad” në një ndeshje kyçe të Premier League (City është lider dhe ‘Reds’ janë të dytët me një pike më pak), nëse do të jetë apo jo Haaland, nuk është e vetmja dhimbje koke për Pep.

Aké (Holandë), Nunes (Portugali), Ederson (Brazil) dhe Kovacic (Kroaci) ranë përpara se të vishnin fanelat e kombëtares. Të katër dhe Haaland janë bashkuar me De Bruyne, Stones dhe Sergio Gómez, duke lënë Guardiolën me vetëm 13 lojtarë jashtë fushës së dëmtimeve! Walker, Dias, Phillips, Grealish, Doku, Rodri, Julián Álvarez, Bernardo Silva, Gvardiol, Akanji, Foden, Bobb dhe Rico Lewis janë ata që mbeten 'të shëndetshëm'.

Haaland rrit numrin e të dëmtuarve te City: Guardiola ka vetëm 13

"Diagnoza" e Guardiolës

Pep shpreson, që lista e tij me tetë lojtarë të dëmtuar, do të reduktohet dhe se ai do të ketë të gatshëm Ederson, Haaland, Gómez ose Stones për t'u përballur me Liverpool. "Ne luajmë shumë. Sa më pak ndeshje, aq më pak dëmtime. Futbollistët luajnë shumë ndeshje ndër vite, pa pushim... Ne nuk mund ta durojmë këtë, por ky është futbolli. Kalendari është shumë i ngushtë, nuk ka kuptim,"- reflektoi ai.

"Ata të bëjnë të shkosh në Azi, Shtetet e Bashkuara... Ndeshje shumë të forta ku njerëzit bien, vazhdojnë të bien dhe do të vazhdojnë të bien. Sepse 'show duhet të vazhdojë'. Kjo është një betejë e humbur derisa lojtarët të ngrihen dhe të thonë 'Ne nuk po luajnë'. "Ata do të kërkojnë sasinë dhe jo cilësinë,"- tha Guardiola në 'Movistar+' në gusht. Sezonin e kaluar Rodri (56 ndeshje), Bernardo Silva (55), Haaland (53), Gündogan (51) dhe Grealish (50) arritën, ose tejkaluan, 50 përqind të dueleve. Çmenduri”.

B.T (Dosja.al)

Sondazh

Poll

MË SHUMË