Sport

Mesfushori anglez Jude Bellingham, fitues i çmimit “Golden Boy”

Jude Bellingham është fituesi i anketës "Golden Boy 2023" të gazetës italiane ‘Tuttosport’, duke u bërë lojtari i parë në historinë e Real Madridit që e fiton këtë çmim.

18 Nëntor 2023, 08:32 Nga DOSJA

ITALI - Gazeta italiane “Tuttosport” organizon që nga viti 2003 dhe çdo vit anketën “Golden Boy”, që përzgjedh talentët më të mirë botërorë në futbollin profesionist për lojtarët nën 21 vjeç.

Në 2021 dhe 2022, Barcelona dominoi falë dy yjeve të saj të rinj super të talentuar, Pedro dhe Gavi, por këtë vit ishte radha e Realit të mburrej me një ‘fëmijë’ të tijin, si Jude Bellingham, që mori çmimin prestigjioz me 485 nga 500 pikë në dispozicion, pra 97%.

Një pjesë e madhe e dominimit të tij është luajtur sigurisht nga bëmat e tij të pabesueshme gjatë gjithë vitit, veçanërisht që nga kalimi i tij te Reali, ku anglezi u shfaq si lider te “meringues” që nga muajt e parë, pasi ka shënuar tashmë 10 gola në 11 ndeshje në La Liga dhe 13 në 14 ndeshjet e tij gjithsej në të gjitha garat.

Lista e artë e fituesve ndër vite:

2003: Raphael van der Vaart (Ajax)

2004: Wayne Rooney (Everton / Manchester United)

2005: Lionel Messi (Barcelona)

2006: Cesc Fabregas (Arsenal)

2007: Sergio Aguero (Atletico Madrid)

2008: Anderson (Manchester United)

2009: Alessandre Pato (Milan)

2010: Mario Balotelli (Inter / Manchester City)

2011: Mario Gotze (Dortmund)

2012: Isco (Malaga)

2013: Paul Pogba (Juventus)