Sport

Shqipëria dhe Danimarka e çojnë në 13 numrin e të kualifikuarve në “Euro 2024”

Kanë mbetur vetëm 11 vende në dispozicion për të plotësuar 24 finalistët. Tre do të përcaktohen pas ndeshjeve të “play-off”.

18 Nëntor 2023, 00:02 Nga DOSJA

GJERMANI - Të premten, Shqipëria dhe Danimarka kanë arritur kualifikimin matematikor për finalet e Kampionatit Europian të radhës në vitin 2024.

Barazimi 1-1 i Shqipërisë ndaj Moldavisë, do të thotë se kuqezinjtë nuk mund të largohen më nga dy vendet e para në grupin “E”. Skuadra e drejtuar nga Sylvinho, ish-futbollist i Barcelona, Celta dhe Manchester City ndër të tjera, do të jetë në atë që është Europiani i dytë në historinë e saj. Për herë të pare Shqipëria mori pjesë në “Francë 2016”.

???? ???????? ???????????????????? ????????̈????????????????, ???????????????????????????????? ???????????????????? ????????⚫

???????????????????? mbyllet ????-???? | Cikalleshi 25' (pen.)#futboll #fshf #kombetarja #shqiperia #europeanqualifiers #euro2024 pic.twitter.com/xNoszkgLER
— FSHF (@FSHForg) November 17, 2023

Danezët nga ana e tyre mundën 2-1 Slloveninë dhe hynë në një tjetër kampionat evropian. Tashmë janë trembëdhjetë ekipe të kualifikuara. Joakim Maehle në minutën e 26-të dhe Thomas Delaney në minutën e 54-të vulosën fitoren për danezët, ndërsa Erik Janza shënoi në minutën e 30-të golin për mysafirët duke rikthyer barazinë.

Skuadra nordike do të bëjë paraqitjen e saj të 10-të në Kampionatin Evropian të vitit 2024, pasi ka fituar kompeticionin në vitin 1992, pasi ka zëvendësuar Jugosllavinë në fazën finale, si dhe ka edhe tre paraqitje të tjera në gjysmëfinale, në 1964, 1984 dhe 2020.

Me klasifikimin matematikor të Shqipërisë dhe Danimarkës tashmë janë 13 skuadra që kanë konfirmuar prezencën në “Euro 2024”. Gjermania mikpritëse ishte e para dhe më pas iu bashkuan Franca, Belgjika, Portugalia, Spanja, Skocia, Turqia, Anglia, Austria, Hungaria, Sllovakia... plus Shqipëria dhe Danimarka sot. Kanë mbetur vetëm 11 vende në dispozicion për të plotësuar 24 hapësirat. Tre nga 11 do të përcaktohen nga “play-off”.

Nga vendet e mbetura, 8 do të dihen me përfundimin e grupeve të fazës kualifikuese. Ditën e fundit do të zhvillohen tre ndeshje kyçe, nga të cilat do të dalin disa kualifikuese. Republika Çeke-Moldavia (kushdo që fiton do të kualifikohet); Slloveni-Kazakistan (kushdo që fiton futet) dhe Ukrainë-Itali (gjithashtu).

Për tre vendet e mbetura do të duhet të presim ndeshjet “play-off” në pushimet e ekipive kombëtare të marsit.

B.T (Dosja.al)