Sport

Fagioli, i pezulluar 7 muaj për baste të paligjshme, rinovon me Juven deri në 2028...

Italiani Nicolo Fagioli zgjati kontratën me Juventus të martën deri në vitin 2028, ndërsa po vuan një pezullim prej shtatë muajsh për baste të paligjshme sportive.

15 Nëntor 2023, 10:40 Nga DOSJA
Fagioli, i pezulluar 7 muaj për baste të paligjshme, rinovon me Juven

ITALI -  “Juventusi është i kënaqur të njoftojë se kontrata e Nicolo Fagiolit është rinovuar deri më 30 qershor 2028,”- tha klubi i Serie A në një deklaratë të martën. Mesfushori 22-vjeçar pritet të fitojë 1.5 milionë euro në sezon sipas shtypit italian.

Fagioli teorikisht do të mund të luajë sërish në fund të sezonit, ku dita e 38-të dhe e fundit e kampionatit është caktuar për 26 maj, një javë pas përfundimit të pezullimit të tij.

Italiani u pezullua në tetor nga Federata Italiane e Futbollit (FIGC) për një periudhë prej shtatë muajsh dhe u gjobit me 12.500 euro për bast në ndeshjet e futbollit të organizuara nga FIGC, UEFA ose FIFA. Dënimi fillestar prej 12 muajsh u reduktua në shtatë sepse lojtari bashkëpunoi me hetimin dhe pranoi një program për trajtimin e varësisë nga bixhozi.

Sipas mediave italiane, mesfushori i ri, i varur nga lojërat e fatit, kishte grumbulluar tre milionë euro borxh duke luajtur në platforma të paligjshme.

B.T (Dosja.al)

Sondazh

Poll

MË SHUMË