Politike

Bardhi: Basha mori 2 kate kullë me një të rënë të lapsit, vetëm për të ka fakte

Bardhi ftoi këdo që ka fakte për ndonjë politikan tjetër t’i bëjë ato publike, ndërsa theksoi se është e pamundur që të ardhurat për të bërë shpenzime të tilla të vijnë nga bizneset.

13 Nëntor 2023, 22:10 Nga I.A
Bardhi: Basha mori 2 kate kullë me një të rënë të
Gazment Bardhi

TIRANË- Kryetari i grupit të Partisë Demokratike, Gazment Bardhi tha se i vetmi politikan për të cilin ka fakte se ka blerë dy kate kullë, është Lulzim Basha. I ftuar në emisionin “Now” në Euronews Albania, Bardhi ftoi këdo që ka fakte për ndonjë politikan tjetër t’i bëjë ato publike, ndërsa theksoi se është e pamundur që të ardhurat për të bërë shpenzime të tilla të vijnë nga bizneset.

“Lulzim Basha është i vetmi politikan që në vitin e fundit ka futur në xhep 2 kate kulla. Këto janë fakte të regjistruara në hipotekë. Nëse dikush tjetër ka regjistrime të kësaj natyre të drejtpërdrejta apo të fshehta për ndonjë politikan tjetër është i lutur t’i bëjë publike. Ajo që shqiptarët kanë parë deri më sot është që po, në gusht të 2021-shit, 3 muaj pasi ne kishim humbur zgjedhjet, Lulzim Basha dhe familjarët e tij fusin në xhep 2 kate kullë në kullën më të shtrenjtë të Tiranës. Biznese kanë të gjithë, por nuk i blejnë dot me një të rënë të lapsit dy kate kullë,” u shpreh Bardhi.

gazment bardhi

Sondazh

Poll

MË SHUMË