Sport

VIDEO/ Pa NES, Benzema shënon një “hat-trick” dhe i jep Al-Ittihad fitoren ndaj Abha...

Sulmuesi francez asistoi edhe për golin tjetër të skuadrës së tij, e cila fitoi 4-2

11 Nëntor 2023, 07:30 Nga DOSJA
VIDEO/ Pa NES, Benzema shënon një “hat-trick” dhe i jep

ARABIA SAUDITE - AL-Ittihad priti dhe mundi Abha 4-2. Kjo ishte ndeshja e parë e skuadrës pa Nuno Espírito Santo, i cili u shkarkua pas ndeshjes së fundit, për Champions League të Azisë, pasi u bë publike një debat me Karim Benzema.

Figura e madhe e ndeshjes ishte pikërisht francezi Benzema, i cili me tre gola dhe një asistim u përfshi drejtpërdrejt në fitoren e skuadrës së tij.

Rezultati filloi të ndryshojë në minutën e 38-të. Me anë të VAR-it u akordua një penallti për Benzema dhe nga 11 metra francezi nuk e shpërdoroi, duke shënuar golin e vetëm të pjesës së parë.

Në pjesën e dytë, mysafirët barazuan, me anë të Toko-Ekambit, por barazimi zgjati. Tre minuta më vonë, në të 54-tën, një lëvizje kolektive e Al-Ittihad kulmoi me golin e Igor Coronado, ardhur nga asistimi i klasit të francezit. 

I njëjti Benzema që në minutat e 67-të dhe 69-të shënoi dy gola të shpejtë për të përfunduar “hat-trick”-un  dhe për t'i dhënë fund njëherë e mirë shpresave të Abha-s. Vendasit nga ana e tyre e bënë rezultatin 5-2 në kohën e shtuar, por goli u anulua për shkak të një faulli të Alshamranit. 

Kjo fitore shënon fundin e ciklit prej pesë ndeshjesh pa fitore të Al-Ittihad në kampionat, një tjetër nga arsyet e shkarkimit të Nuno Espírito Santo këtë javë. Benzema, tani me tetë gola, barazohet me Mitrovicin në vendin e tretë si golashënuesi më i mirë i ligës, katër prapa liderit Cristiano Ronaldo.

B.T (Dosja.al)

Sondazh

Poll

MË SHUMË