Sport

Barcelona nxiton të mbyllë llogaritë kualifikuese në grupin “H”... dhe barazimi mjafton

Xavi Hernández, trajneri i ‘Blaugranave’, dëshiron të vulos kualifikimin për në fazën e 16-tave sonte, teksa do të përballet me Shakhtarin në Hamburg të Gjermanisë.

7 Nëntor 2023, 11:30 Nga DOSJA
Barcelona nxiton të mbyllë llogaritë kualifikuese në grupin

GJERMANI - Liderët e Barcelonës duan ta vulosin sot kualifikimin për në fazën e 1/16-tave të Champions League, duke kërkuar vetëm një barazim ndaj Shakhtarit në Hamburg, pasi kanë avantazh në përballjen e drejtpërdrejtë me rivalin ukrainas (2-1 në raundin e 3-të të Grupit H).

“Ne i bëmë detyrat tona. Nëntë pikë nga nëntë të mundshme deri më tani, me fjalë të tjera, rruga ideale. Tani duhet të konfirmojmë kualifikimin. Ne e kemi këtë mundësi dhe nuk mund ta lëmë të ikë. Objektivi ynë i parë është të arrijmë në 1/16 dhe i dyti është të arrijmë në vendin e parë. Është e gjitha në duart tona. 

Të fitosh dhe të luash mirë do të ishte filmi perfekt”,- thotë Xavi Hernández, i cili mbetet i zhgënjyer me paraqitjen e Barçës në Anoeta, të shtunën, pavarësisht fitores (1-0) ndaj Real Sociedad: “Ne kishim besim deri në fund të lojës (Ronald Araújo shënoi në 90'+2), por është e qartë se ajo që bëmë në pjesën e parë ishte e papranueshme”.

Shakhtar duhet të fitojë dhe vjen me moral të lartë, pas fitores së së premtes (1-0) ndaj rivalëve të mëdhenj Dynamo Kiev. “Nuk kemi asgjë për të humbur”,- thotë Marino Pusic.

B.T (Dosja.al)

Sondazh

Poll

Sport 6 Nëntor 2023, 22:29

Shakhtior Donetsk, klubi në luftë…

UKRAINE - Shakhtior Donetsk pret Barcelonën të martën (18:45) në “Volksparkstadion” të Hamburgut në Gjermani, për...

MË SHUMË