Aktualitet

Bashkia e Lezhës lajmëron banorët: Priten reshje të dendura shiu dhe përmbytje

Bashkia e Lezhës thotë se shërbimet e emergjencës do të jenë në gatishmëri për çdo rast problematik.

4 Nëntor 2023, 10:42 Nga DOSJA
Bashkia e Lezhës lajmëron banorët: Priten reshje të dendura
Permbytje

LEZHË- Në Lezhë priten reshje të dendura shiu dhe përmbytje në orët në vijim. Bashkia, nëpërmjet një njoftimi në rrjetet sociale ka deklaruar se kjo është parashikuar sipas të dhënave nga shërbimi Meteorologjik.

Bashkia e Lezhës thotë se shërbimet e emergjencës do të jenë në gatishmëri për çdo rast problematik. Megjithatë, përveç masave, kanë vënë në dispozicion të banorëve edhe një numër telefoni për çdo vështirësi që mund të krijohet.

“Bashkia Lezhë lidhur me të dhënat e marra nga Shërbimi Meteorologjik, ju bën me dije se priten reshje të dendura shiu dhe përmbytje! Shërbimet e Emergjencave të Bashkisë Lezhë do të jenë në gatishmëri për të ndërhyrë në çdo rast problematik! Përveç masave që do të marrim ne, ju lutemi banorëve që për çdo rast emergjent të lajmërojnë në kohë reale në numrin e tel: +355 68 331 2049”, njoftoi bashkia e Lezhës.

moti i keq ne vend

Sondazh

Poll

MË SHUMË