Sport

VIDEO/ Al Nassr mund Al Ettifaq në shtesë dhe kalon në 'çerekfinale' të Kupës së Mbretit Saudit, Sadio Mane “heroi” i fitores

Skuadra e Ronaldos fitoi 1-0, ndërkohë që të dyja skuadrat mbetën me nga 10 lojtarë në fushë

31 Tetor 2023, 21:21 Nga DOSJA
VIDEO/ Al Nassr mund Al Ettifaq në shtesë dhe kalon në

ARABIA SAUDITE - Al Nassr priti dhe mundi 1-0 Al Ettifaq (106’), në një lojë të vlefshme për raundin e 16-të të Kupës së Mbretit Saudit. 

Në pjesën e parë ishin mysafirët që luajtën më mirë, duke pasur dy raste të mira për të shënuar. Skuadra e Luís Castros, pak nga pak arriti të balanconte lojën. Portierët shkëlqejnë, Paulo Victor nga Al Ettifaq dhe Nawaf nga Al Nassr. 

Në momentet e fundit, Talisca futi topin në portë, por goli u anulua për pozicion jashtë loje nga Ronaldo, i cili edhe pse nuk e preku topin, bëri lëvizjen. Pak minuta më vonë braziliani u përjashtua me karton të kuq, pasi sulmoi një kundërshtar. 

Në pjesën e dytë ndeshja ishte e ekuilibruar, por me pak raste të qarta për të dyja skuadrat dhe pati një tjetër karton të kuq, këtë herë për mysafirët. Ali Hazazi u përjashtua nga loja pas faullit ndaj Otávio.

Në fund të 90 minutave, skuadrat mbetën të barabarta dhe fituesi duhej të zgjidhej në kohën shtesë. Al Ettifaq erdhi me forcë të plotë dhe ishte shumë afër kalimit në avantazh. 

Megjithatë, ishte skuadra e Luís Castros që shënoi, në shtesën e dytë me anë të Sadio Mané (106') dhe Al Nassr kalon në çerekfinale të Kupës së Mbretit Saudit.

B.T (Dosja.al)

Sondazh

Poll

MË SHUMË