Politike

PS kërkon përjashtimin e 7 deputetëve demokratë/ Berisha: Vendim i urdhëruar nga Rama, do marrë përgjigjen e merituar

Komisioni i Etikës do të mblidhet në orën 15:00 për të marrë një  masë disiplinore për shkak të kaosit dhe tensionit në Kuvend

31 Tetor 2023, 14:28 Nga r.ll
PS kërkon përjashtimin e 7 deputetëve demokratë/ Berisha:
Sali Berisha

TIRANË- Kryetari i Partisë Demokratike, Sali Berisha ka foluar për mediat lidhur me kërkesën e Partisë Socialiste për përjashtimin e shtatë deputetëve të opozitës.

Berisha tha se ky vendim i urdhëruar nga Rama do të marrë përgjigjen e merituar.

"Përjashtimi i deputetëve, vendim i urdhëruar nga Rama, do marrë përgjigje. Cdo vendim që nuk përfill protestën e drejtë të opozitës tonë, do marrë përgjigjen e merituar. Ju ftoj të jeni aty në 15:30.", tha Berisha. 

Më herët, Partia Socialiste hartoi një listë me disa emra deputetësh të opozitës, për të cilët kërkon të ndëshkohen sipas rregullores, pas sherrit fizik që ndodhi një ditë më parë në Kuvendin e Shqipërisë. Komisioni i Etikës do të mblidhet në orën 15:00 për të marrë një  masë disiplinore për shkak të kaosit dhe tensionit në Kuvend

Bëhet fjalë për deputetët Flamur Noka, Gazmend Bardhi, Bledian Nallbati, Edi Paloka, Albana Vokshi, Lefter Gështenja dhe Saimir Korreshi. Ky tension u nis nga deputeti Bledion Nallbati, i cili u konflikt ua fizikisht me deputetin e PS Vullnet Sinaj. Pritet të shihet se cili do jetë ndëshkimi i Disiplinës, për deputetët e PD, të cilët krijuan sherr.

 

sali berisha

Sondazh

Poll

MË SHUMË