Sport

Rrëmbehen prindërit e sulmuesit kolumbian të Liverpoolit!.. Njoftohet shpëtimi i nënës, vazhdojnë kërkimet për të atin...

Këtë të shtunë, më 28 tetor, Luis Manuel Díaz dhe Cilenis Marulanda, prindër të lojtarit të kombëtares së Kolumbisë dhe Liverpoolit, Luis Fernando Díaz, njoftohet se janë rrëmbyer në Guajira.

29 Tetor 2023, 10:00 Nga DOSJA

KOLUMBI - Sipas Zyrës së Prokurorit të Përgjithshëm të Kolumbisë, prindërit e sulmuesit të kombëtares së Kolumbisë dhe Liverpoolit, Luis Fernando Díaz, ishin në komunën e Barracas kur ndodhi rrëmbimi.

“Që nga momenti kur Zyra e Prokurorit të Përgjithshëm mësoi për rrëmbimin e prindërve të lojtarit kolumbian Luis Díaz, në sektorin Barrancas, në LaGuajira, një ekip i specializuar prokurorësh, zyrtarë nga trupa e hetimit teknik dhe hetuesit e policisë dhe Ushtrisë së Gaulës, janë në veprim urgjent për të gjetur vendndodhjen e këtyre personave, për të sqaruar faktet dhe për të gjetur përgjegjësit”,- thuhet në mesazhin e publikuar në llogarinë e X.

Presidenti Gustavo Petro i Kolumbisë, në orët e fundit njoftoi përmes rrjeteve të tij sociale se nëna e futbollistit, Cilenis Marulanda është shpëtuar dhe se kërkimet për të atin vazhdojnë.

“Në operacionit në Barrancas, nëna e Luis Diaz është shpëtuar, ne jemi ende në kërkim të babait,”- tha presidenti.

Rrëmbehen prindërit e sulmuesit kolumbian të Liverpoolit!..

B.T (Dosja.al)

Sondazh

Poll

MË SHUMË