Sport

Florentino Pérez nuk do të udhëtojë për në Barcelonë, pas postimit të një zëdhënësi katalanas kundër Vinicius

Postimi i Miquel Camps në Twitter tregon një krizë në marrëdhëniet Real Madrid-Barcelona

26 Tetor 2023, 13:00 Nga DOSJA
Florentino Pérez nuk do të udhëtojë për në

SPANJE - Florentino Pérez kishte planifikuar të shkonte në “Montjuïc” për të qenë i pranishëm në “El Clasicon” e të shtunës mes Barcelonës dhe Real Madridit. Synimi ishte të ishte pranë skuadrës së tij, pranë lojtarëve në një mjedis armiqësor, që supozohet të jetë veçanërisht i vështirë për të gjithë tifozët e Real Madridit.

Por siç raporton 'El Chiringuito de Jugones', udhëtimi i presidentit është anuluar, si rezultat i postimit që një  zëdhënës i Barcelonës, Miquel Camps, bëri publike mbrëmë, në të cilin ai ofendonte Vini Jr. dhe madje guxoi të thoshte se duhej t’i jepte atij një shuplakë.

Ajo që e ka shtyrë Real Madridin të marrë vendimin nuk është më vetë mesazhi, por heshtja e mëvonshme e entitetit të Barçës, i cili ka qëndruar e heshtur përballë asaj që ka bërë zëdhënësi, duke qenë i paaftë për të kërkuar falje. Ai thjesht e fshiu postimin në Twitter sikur të mos kishte ndodhur asgjë.

Drejtuesit e ‘los blancos’ gjatë gjithë javës ishin përpjekur të normalizojnë marrëdhëniet me Barcelonën, siç e dëshmoi edhe udhëtimi i presidentit madrilen. Përqafimi mes José Ángel Sánchez, drejtori i përgjithshëm i Real Madridit, dhe Joan Laporta e vërtetoi atë.

Tifozi madrilen e kishte vënë në dyshim qëndrimin në “Montjuïc” të drejtuesve të Real Madridit. Rasti Negreira ishte shumë prezent në mendjet e tifozëve bardhezi dhe ata kishin vënë bast për një përgjigje të ngjashme me atë të Sevillas. E vërteta është se atë që nuk e ka arritur Negreira dhe pagesat e vazhdueshme për ish-numrin dy të CTA, e ka arritur një tweet fyes nga një drejtues i Barçës, me Vinicius si objekt pasiv.

B.T (Dosja.al)

Sondazh

Poll

MË SHUMË