Sport

Homazhe për legjendën Sir Bobby Charlton: qindra tifozë u drejtuan në "Old Trafford"...

U vendosën lule pranë statujës së trinitetit, me Bobby Charlton, Dennis Law dhe George Best.

23 Tetor 2023, 11:27 Nga DOSJA
Homazhe për legjendën Sir Bobby Charlton: qindra tifozë u

ANGLI - Qindra njerëz u drejtuan dje në “Old Trafford” për të nderuar Sir Bobby Charlton, legjendën e klubit, që ndërroi jetë të shtunën në moshën 86-vjeçare. 

Tifozët e Man.United dhe klubeve të tjera vendosën lule pranë statujës së trinitetit, ku shfaqeshin Bobby Charlton, Dennis Law dhe George Best. Ndërsa luante për “Djajtë e Kuq”, ish-mesfushori shënoi 249 gola në 758 ndeshje zyrtare, ai është edhe golashënuesi i dytë më i mirë i të gjitha kohërave i United, pak pas Wayne Rooney, i cili arriti në 253.

Sakaq Man.City lëshoi ​​një deklaratë duke dënuar thirrjet fyese, që disa nga tifozët e klubit kënduan për Bobby Charlton, gjatë ndeshjes së së shtunës kundër Brighton. “Ekipi ynë i sigurisë po studion imazhet e CCTV nga zonat e aksesit të stadiumit. 

I jemi mirënjohës të gjithëve që tashmë kanë ardhur për të raportuar këtë rast. Ne vazhdojmë të apelojmë për çdo informacion, që mund të na ndihmojë të identifikojmë individët e këtij incidenti”,- shkruan klubi.

B.T (Dosja.al)

Sondazh

Poll

MË SHUMË