Sport

Arteta mesazh mirënjohjeje: “Pochettino, nga njerëzit me ndikim në karrierën time”

Trajneri i Arsenalit, Mikel Arteta i bëri homazhe homologut të tij të Chelseat, Mauricio Pochettino, përpara udhëtimit të “Topçinjve” në “Stamford Bridge” këtë të shtunë (18:30).

20 Tetor 2023, 15:18 Nga DOSJA
Arteta mesazh mirënjohjeje: “Pochettino, nga njerëzit me ndikim

ANGLI - Në prag të përplasjes mes Chelseat dhe Arsenalit, trajneri i “Topçinjve”, Mikel Arterta tha të gjitha gjërat e mira që mendonte për homologun e tij blu, Mauricio Pochettino.  Të dy lojtarët luajtën së bashku në PSG në fillim të viteve 2000 dhe, në atë kohë, Pochettino mori Artetën nën krahun e tij.

“Në Paris, ishte mundësia ime e parë profesionale dhe, kur mbërrita, jetuam së bashku për tre muaj në një hotel. Ai ishte një nga njerëzit më me ndikim në karrierën time futbollistike, - tha Arteta. - Më mori nën krahë ashtu. Ai u kujdes për mua si një fëmijë, si një vëlla i vogël. Ai luajti një rol të rëndësishëm në suksesin tim në Paris, sepse ai me të vërtetë kujdesej për mua, më dha shumë besim dhe më dha këshilla. Që atëherë ai ka qenë një model për mua”. 

“Gjithmonë mirënjohës”,- megjithatë Arteta ka sqaruar se nuk ka ndjekur asnjë nga këshillat e dhëna nga “Poche”. “Mos u bëni trajner, është shumë e vështirë", më këshilloi (qesh)! Gjithsesi, nuk kishte asnjë dyshim për fatin e Pochettino-s, dhjetë vjet më i madh se ai. “E dija se ai do të bëhej trajner. Si lojtar ai ishte tashmë një lider, mënyra se si e kuptonte lojën ishte fenomenale. E kisha në shpinë dhe tashmë më drejtonte gjatë gjithë kohës”.

B.T (Dosj.al)

Sondazh

Poll