Aktualitet

KËRKESAT e studentëve të Mjekësisë për rektorin e UMT-së: Duam mbështetje! Pedagogët të ndalin presionin, bojkoti vazhdon

Po ashtu ata kanë vendosur një afat kohor deri më datë 27 tetor për t'iu kthyer përgjigje kërkesave të tyre. 

20 Tetor 2023, 14:01 Nga a.l
KËRKESAT e studentëve të Mjekësisë për rektorin e
Studentët e Mjekësisë

TIRANË-  Studentët e Mjekësisë kanë kërkuar nga që rektori i UMT-së, Arben Gjata dhe vetë Universiteti të jenë krah tyre në protestën kundër ligjit për punë me detyrim. Studentët u kanë bërë gjithashtu thirrje pedagogëve që të mos u bëjnë presion dhe se bojkoti i tyre do të vijojë. Po ashtu ata kanë vendosur një afat kohor deri më datë 27 tetor për t'iu kthyer përgjigje kërkesave të tyre. 

Lënda: Kërkesë për reagim

Drejtuar: Rektorit të Universitetit të Mjekësisë Tiranë, Prof. Arben Gjata

I nderuar Z. Rektor,

Siç jeni në dijeni, ne studentët e degës Mjekësi e Përgjithshme jemi prej tri javësh në bojkot të procesit mësimor të vitit akademik 2023-2024. Lëvizja jonë ka përfshirë protesta, bojkotin dhe tashmë nisjen e ndjekjes ligjore në Gjykatën Kushtetuese me qëllim shfuqizimin e ligjit nr. 60/2023 “Për trajtimin e veçantë të studentëve që ndjekin programin e studimit të ciklit të dytë ‘Mjekësi e Përgjithshme’  në institucionet publike të arsmit të lartë”.

Në këtë situatë ne kërkojmë mbështetjen tuaj si titullar i UMT si më poshtë vijon:

1.            Deklarimin tuaj publik se Universiteti nuk do të na paraqesë asnjë kontratë në zbatim të ligjit nr 60/2023 deri në përfundim të shqyrtimit të padisë sonë nga GjK.

2.            Deklarimin tuaj publik se Universiteti dhe Ju personalisht jeni në krah të studentëve dhe na mbështesni në lëvizjen tonë.

3.            Marrjen e masave për të mos lejuar pedagogët të ushtrojnë presion të çdo forme ndaj studentëve me qëllim detyrimin për ndalimin e bojkotit.

Nisur nga situata jonë emergjente, keni kohë të na ktheni përgjigje mbi kërkesat e mësipërme deri të premten, më datë 27 tetor 2023.

Në rast të një mosreagimi nga ana Juaj do të jemi të detyruar të intensifikojmë lëvizjen tonë me marrjen e masave përshkallëzuese.

Me respekt,

Përfaqësuesit e studentëve:’- thuhet në njoftim.

Pse protestojnë studentët e mjekësisë?

Studentët që do të zgjedhin të studiojnë për Mjekësi këtë vit do të jenë përballë një zgjedhjeje. Përtej viteve të shkollës, do të duhet që të punojnë edhe 5 vite për të marrë diplomën. Në të kundërt do të duhet që të paguajnë tarifën më shumë se të tjerët. Studentëve që janë aktualisht në sistem, do tu ofrohet edhe mundësia që nëse nuk janë dakord të nënshkruajnë marrëveshjen, të paguajnë sa ç’është kostoja reale e çdo viti akademik, sigurisht për vitet e mbetura akademike, jo për vitet që tashmë kanë kaluar. Gjithashtu nëse pas mbarimit të shkollës, për një vit studentët nuk do të gjejnë punë, do të mund të tërheqin dokumentin e diplomës para kohe.

studentet e mjekesise

Sondazh

Poll

MË SHUMË