Sport

VIDEO/ A e pështyu Sanabria Leo Messin në ndeshjen Argjentinë vs Paraguaj? Ja çfarë thotë “Pleshti”…

U shfaqën video të asaj që duket, se sulmuesi i Paraguajit, duket duke pështyrë drejt fituesit të 7-të herë të “Topit të Artë”. Ja çfarë kanë thënë të dy...

13 Tetor 2023, 16:56 Nga DOSJA
VIDEO/ A e pështyu Sanabria Leo Messin në ndeshjen Argjentinë vs

ARGJENTINE - Argjentina mposhti Paraguajin, në kualifikueset e Kupës së Botës 2026 për CONMEBOL, me një gol të hershëm të qendërmbrojtësit Nicolás Otamendi, i cili i zgjidhi gjërat për “Albicelestet”. Gjatë ndeshjes, sulmuesi i Inter Miamit, Lionel Messi, u rikthye në aksion me fanelën bardheblu, pas një jave spekulimesh të shumta lidhur me gjendjen fizike të sulmuesit.

Nga fundi i ndeshjes, kamerat kapën sulmuesin e Paraguajit, Antonio Sanabria, teksa duket duke pështyrë në drejtim të fituesit të Kupës së Botës 2022, pamjet që kanë shkaktuar një bujë të madhe në shtyp dhe në internet.

'As nuk e di kush është ai djalë'

Vetë Messi u mor në pyetje për incidentin, për të cilin ai hodhi poshtë çdo thashetheme për një grindje mes të dyve, duke thënë se “shokët e mi të skuadrës më thanë në dhomën e zhveshjes se ai më kishte pështyrë. Sinqerisht nuk e di as kush është ai djalë. Nuk e pashë. Nuk dua t'i jap ndonjë rëndësi, sepse do të jetë kudo tani. Më e keqja është se ai bëhet i njohur (për këtë). Është më mirë ta lini ashtu siç është. ”

Lojtari në fjalë, Sanabria, u mor në pyetje ehe ai pas ndeshjes, i cili mohoi kategorikisht se kishte pështyrë kundërshtarin e tij: “Jo (nuk ka pasur asnjë incident), vetëm gjëra që ndodhin në një lojë”. Kur u shfaqën imazhet, Sanabria pranon se mund të duket, sikur ka pështyrë Messin, por "ai ishte larg, thjesht duket kështu në foto", sipas sulmuesit. “Sepse është nga pas”, vazhdoi ai, “më duket sikur e pështyva, por nuk është aspak kështu.”

Messi 'i lumtur që është kthyer' pas dëmtimit

Larg polemikave, Messi tha se ndihej “i lumtur që u kthye dhe merr disa minuta ” pas një kohe të gjatë me një dëmtim misterioz. “Është gjithmonë e vështirë të hysh në lojë dhe aq më tepër në një lojë të vështirë. E rëndësishme ishte të fitonim dhe në disa momente luajtëm mirë, sidomos në pjesën e parë. Kishte shumë shanse dhe ata patën vetëm një”.

Ish-lojtari i Barcelonës lavdëroi Lionel Scalonin dhe ekipin e tij, duke thënë se “stafi teknik ka pasur një rol të madh në faktin, që ne vazhdojmë ecurinë tonë të shkëlqyer pasi u bëmë kampionë bote, si dhe mentaliteti i grupit ”.

Argjentina do të përballet me Perunë në ndeshjen e tyre të radhës, të martën, më 17 tetor 2023, me fillimin në orën 22:00. Sa i përket skuadrës së Messit, Inter Miami, ndeshja e tyre e radhës është kundër Charlotte të mërkurën, 18 tetor 2023, në orën 20:00.

B.T (Dosja.al)

Sondazh

Poll

Sport 13 Tetor 2023, 16:28

Haaland befason: "Po lodhem me emrin tim"

NORVEGJI - Ering Haaland u ribashkua me golin, duke shënuar një dopietë kundër Qipros (0-4). Sulmuesi norvegjez do të jetë k&...

MË SHUMË